(ပြည်တွင်း) ဇူလိုင် ၉
မန္တလေးတိုင်းဒေသကြီး၊ ချမ်းအေးသာစံမြို့နယ်၊ ချမ်းအေးသာစံအလယ်ရပ်ကွက်၊ ၂၇ လမ်း၊ ၈၂×၈၃လမ်းကြားရှိ ရွှေရာစု လယ်ယာသုံး စက်ပစ္စည်းအရောင်းဆိုင် တတိယထပ်တွင် ယနေ့နံနက် ၅ နာရီ ၃၅ မိနစ်အချိန်ခန့်က မီးလောင်မှုဖြစ်ပွားသဖြင့် မီးသတ်တပ်ဖွဲ့ဝင်များမှ သွားရောက်မီးငြိမ်းသတ်ခဲ့ရာ နံနက် ၅ နာရီ ၅၀ မိနစ်အချိန်ခန့်တွင် မီးငြိမ်းသွားခဲ့ကြောင်း သိရသည်။
မီးလောင်မှုဖြစ်စဥ်မှာ ဦးအိုက်စံ၊ အသက် ၆၃ နှစ်၊ (ဘ)ဦးခင်စုပညာ၊ ပိုင်ဆိုင်သော ရွှေရာစု လယ်ယာသုံး စက်ပစ္စည်းအရောင်းဆိုင် တတိယထပ်တွင် ဖုန်စုပ်စက်အားသွင်းထားရာမှ အပူလွန်ကဲပြီး ဝါယာရှော့ဖြစ်ရာမှ မီးစတင်လောင်ကျွမ်းခဲ့ခြင်းဖြစ်ကြောင်း၊ မီးလောင်မှုကြောင့် ဆုံးရှုံးမှုတန်ဖိုး ၅၀၀၀၀၀ ကျပ်ခန့်ဖြစ်ကြောင်း၊ မီးပေါ့ဆစွာ သုံးစွဲသူ ဦးအိုက်စံအား အမှုဖွင့် အရေးယူထားကြောင်း သိရှိရသည်။
Telegram>>…
https://t.me/positiveanglenews