(နိုင်ငံတကာ) မေ ၂၁
![](https://positiveanglenews.com/storage/2024/05/image-344.png)
လန်ဒန်မှ စင်ကာပူသို့ ပျံသန်းလာသည့် စင်ကာပူ လေကြောင်းလိုင်းပိုင် လေယာဉ်တစ်စီးသည် ပြင်းထန်သော လေထုမငြိမ်သက်မှုနှင့် ကြုံတွေ့ခဲ့ရပြီး လေယာဥ်တုန်ခါမှုကြောင့် ခရီးသည်လူတစ်ဦး သေဆုံးကာ အများအပြား ပြင်းထန်စွာ ဒဏ်ရာရခဲ့ကြောင်း စင်ကာပူ လေကြောင်းလိုင်းက ပြောကြားခဲ့သည်။
![](https://positiveanglenews.com/storage/2024/05/image-345.png)
သေဆုံးသွားသူမှာ အသက် ၇၃ နှစ် အရွယ်ရှိသည့် ဗြိတိန်နိုင်ငံသား အမျိုးသားဖြစ်သည်ဟု ထိုင်းအာဏာပိုင်များမှ အတည်ပြု ပြောကြားထားသည်။
![](https://positiveanglenews.com/storage/2024/05/image-346.png)
၎င်းလေယာဥ်ပေါ်လိုက်ပါလာသည့် အခြား ခရီးသည် ခုနစ်ဦးမှာလည်း ပြင်းထန်စွာ ဒဏ်ရာရရှိခဲ့သည်ဟု ဆိုသည်။
![](https://positiveanglenews.com/storage/2024/05/image-347.png)
အခင်းဖြစ်ပွားသည့် လေယာဥ်မှာ စင်ကာပူလေကြောင်းလိုင်းမှ Boeing 777 – 300 ER လေယာဉ်ဖြစ်ပြီး ခရီးသည်စုစုပေါင်း ၂၁၁ ဦးနှင့် လေယာဉ်အမှု ထမ်း ၁၈ ဦး လိုက်ပါလာသည်ဟု စင်ကာပူလေကြောင်းလိုင်းက ပြောသည်။
![](https://positiveanglenews.com/storage/2024/05/image-348.png)
မေ ၂၀ ရက် ဒေသစံတော်ချိန် ည ၁၀ နာရီ ၃၈ မိနစ်တွင် လန်ဒန် ဟီးသရိုး လေဆိပ်မှထွက်ခွာလာသော SQ 321 လေယာဉ်သည် မေ ၂၁ ရက်တွင် ဘန်ကောက်သို့ လမ်းကြောင်းပြောင်းကာ ထိုင်း နိုင်ငံ ဒေသစံတော်ချိန် ညနေ ၃ နာရီ ၄၅ မိနစ်တွင် သုဝဏ္ဏဘုမ္မိလေဆိပ်ကို အရေးပေါ်ဆင်းသက်ခဲ့ရသည်ဟု ဆိုသည်။
![](https://positiveanglenews.com/storage/2024/05/image-349-1024x682.png)
လေယာဥ်တုန်ခါမှုကြောင့် လူ ၁၈ ဦးကို ဆေးရုံတင်လိုက်ရပြီး အခြားလူ ၁၂ ဦးမှာလည်း ဆေးရုံတွင် ကုသမှု ခံယူနေရသည်ဟု စင်ကာပူလေကြောင်းလိုင်း က ပြောကြားခဲ့သည်။
![](https://positiveanglenews.com/storage/2024/05/image-350-1024x593.png)
ကျန်ရှိနေသော ခရီးသည်များနှင့် လေယာဉ်အမှုထမ်းများကို လေဆိပ်တွင် စစ်ဆေးပေးနေပြီး လိုအပ်ပါက ဆေးဝါးကုသမှု ပေးနေသည်ဟုလည်းဆိုသည်။
အကူအညီများပေးရန် အတွက် စင်ကာပူလေကြောင်းလိုင်း မှ အဖွဲ့တစ်ဖွဲ့သည် ထိုင်းနိုင်ငံဘန်ကောက်မြို့သို့ ထွက်ခွာသွားပြီဟု ၎င်းလေကြောင်းလိုင်းမှ ပြောဆိုထားသည်။
Telegram>>…
https://t.me/positiveanglenews