(ပြည်တွင်း) မေ ၂၁
ရန်ကုန် – မော်လမြိုင်ကားလမ်းက သထုံမြို့နယ်နဲ့ ဘီးလင်းမြို့နယ်အကြားက ကျုံအိတ်တံတားကို KNU/KNLA နဲ့ PDF အကြမ်းဖက်သမားတွေက မိုင်းထောင်ဖောက်ခွဲခဲ့သည့်အတွက် ဘေလီ တံတားနှင့် ကွန်ငရိတံတားတစ်ခြမ်းတို့ ပျက်ဆီး သွားခဲ့သည့်အတွက် နေစဥ်လမ်းအသုံးပြုသူများ အခက်အခဲများစွာနှင့်ကျုံတွေ့နေရကြောင်း သိရသည်။
မိုင်းခွဲခံရမှုကြောင့်ပျက်ဆီးသွားခဲ့သည့် ကျုံအိတ်တံတားကို အမြန်ဆုံးပြန်လည်ပြင်ဆင်ရန်မွန်ပြည်နယ်ဝန်ကြီးချုပ်ကိုယ်တိုင်သွားကြည့်ရှု့ခဲ့ပြီးနောက်ပိုင်း ယာယီလမ်းလွဲပြုလုပ်နေစဥ် အကြမ်းဖက်သောင်းကျန်းသူများမှ Drone များ လက်နက်ကြီးများဖြင့် နေစဥ်နီးပါးပစ်ခတ်တိုက်ခိုက်နေကြောင်း သိရသည်။
“မနေ့ဆိုရင် ဒရုန်းပျံနေတာကို ကားထဲကမြင်နေရတယ်။ အောက်ကလုံခြုံရေးကလည်း လိုက်ပစ်ချတယ်။ ခဏကြာတော့ လက်နက်ကြီး ကျတယ်။ ကားလမ်းနဲ့ မီတာ ၁၀၀ ကျော်လောက်ပဲကွာတာ။ ကာတွေကလည်းတော်တော်ပိတ်နေတယ်။ အရင်က ငါးစီးတစ်လှည့်ပေးသွားတာ၊ ခုက တစ်နာရီတစ်လှည့်ဖြစ်သွားပြီ”လို့ ကိုယ်တိုင်ခရီးသွားခဲ့သည့် ခရီးသည်တစ်ဦးမှ PAN ကိုပြောသည်။
ပြီးခဲ့သည့် မေလ ၁၉ ရက် ညနေ ၆ နာရီ ၁၅ မိနစ် ချိန်ခန့်တွင်လည်း ဘီးလင်းမြို့နယ်၊ ခလောက်အင်းကျေးရွာဘက်မှ KNLA/ PDF အကြမ်းဖက်သောင်းကျန်းသူများ လွတ်တင်လာသည့် drone (၁)စီးမှ drop bomb (၂)လုံးဖြင့် ပစ်ချတိုက်ခိုက်ခဲ့ရာကျုံအိတ်တံတား၏ မြောက်ဘက် ကိုက်(၁၀၀)ခန့်အကွာ ရန်ကုန်-မော်လမြိုင် ကားလမ်းမဘေးသို့ ကျရောက်ပေါက်ကွဲခဲ့ကြောင်း သိရသည်။
ယင်းနေ့ ညနေ ၆ နာရီ ၂၈ မိနစ်အချိန်ခန့်တွင်လည်း KNLA/PDF အကြမ်းဖက်သောင်းကျန်းသူ ပူးပေါင်းအဖွဲ့မှ Drone (၂)စီးဖြင့် Drop Bomb (၅)လုံး ထပ်မံလာရောက် ပစ်ချတိုက်ခိုက်ခဲ့ကြကြောင်း သိရသည်။
အဆိုပါ တိုက်ခိုက်မှုများအတွင်း လူ၊ ယာဥ်နှင့် တိရိစ္ဆာန် ထိခိုက်မှု မရှိကြောင်းသိရှိရသည်။
Telegram»…
https://t.me/positiveanglenews