မေ ၁၄
စစ်ကိုင်းတိုင်းဒေသကြီး၊ ချောင်းဦးမြို့နယ်၊ ကံဇီးကျေးရွာရှိ ကျေးရွာသူ၊ ရွာသား ၁၂ ဦးကို PDF အမည်ခံ လူသတ်အကြမ်းဖက်များက ယမန်နေ့ နံနက် ၉ နာရီအချိန်ခန့်တွင် လာရောက်ဖမ်းဆီးခေါ်ဆောင်သွားပြီး ၎င်းရွာသူ၊ ရွာသားတွေရဲ့ နေအိမ်တွေကို မီးရှို့ဖျက်ဆီးခဲ့ကြကြကြောင်း သိရှိရပါတယ်။
ကျေးရွာ အပြင်ဘက်တွင် နေထိုင်ကြသော ဦးမြင့်မောင်၊၆၅ နှစ်(မိဘ – ဦးဖိုးမှန် + ဒေါ်တွေး)၊ ဦးဖိုးသဲ၊၂၆ နှစ်၊ ဒေါ်ဆိတ်ပို၊၂၇ နှစ်(မိဘ – ဦးမြင့်မောင် + ဒေါ်သန်းအေး)၊ မောင်ဖိုးဆင်၊၂ နှစ် (မိဘ – ဦးဖိုးသဲ + ဒေါ်ဆိတ်ပို)၊ မဖြိုးဖြိုး၊၁၈ နှစ်
(မိဘ – ဦးလင်း + ဒေါ်ဆန်းကြည်)၊ မအေးမော်၊၁၆ နှစ်(မိဘ – ဦးလင်း + ဒေါ်ဆန်းကြည်)၊ မောင်နိူင်၊၂၃ နှစ်(မိဘ – ဦးလင်း + ဒေါ်ဆန်းကြည်)၊မသဲစုလှိုင်၊၁၈ နှစ်(မိဘ – ဦးမျိုး + ဒေါ်ဇင်မာဝင်း)
တို့ကို ဖမ်းဆီးခေါ်ဆောင်ပြီး အိမ်များကို မီးရှို့သွားကြပါတယ်။
အလားတူ ကျေးရွာအတွင်းနေထိုင်ပြီး နွား ကျောင်းသွားသော ပြည်ခိုင်ဖြိုးပါတီဝင် ၃ ဦးနှင့် ကလေးငယ် တစ်ဦးဖြစ်ကြသော ဦးလှငွေ ၊၅၀ နှစ်(မိဘ – ဦးဌေးပု + ဒေါ်လှထွေး)၊ ဒေါ်ချို ၄၁ နှစ်၊(မိဘ – ဦးဌေးပု + ဒေါ်လှထွေး)၊ ဒေါ်သီနွယ် ၃၉ နှစ်(မိဘ – ဦးလှရွှေ + ဒေါ်ရွှေ)၊ မောင်အောင်မျိုးခန့်၊၁၄ နှစ်(မိဘ – ဦးငြိမ်းခင် + ဒေါ်ကျံပို)တို့ကိုလည်း မတရားအနိုင်ကျင့် ထပ်မံဖမ်းဆီးခဲ့ကြောင်း သိရှိရပါတယ်။
အကြမ်းဖက် PDF များ၏ နေအိမ်များကို မီးရှိုမှုကြောင့် ရွာအပြင်ဘက်၌ မီးလောင်နေကြောင်း သိရှိရ၍ ပြည်သူ့စစ်ပူးပေါင်းအဖွဲ့က သွားရောက် ရှင်းလင်းရန် ထွက်လာစဥ် ရဲတပ်ဖွဲ့ဝင်တစ်ဦး မိုင်းနင်းမိကျဆုံးသွားခဲ့ကြောင်း၊ အရပ်သားတစ်ဦးဖြစ်သူ ဦးနန်းဝင်းဆန်း၊၄၃ နှစ် ၊(ဘ) ဦးဆန်းမောင် မိုင်းစ ထိမှန် မစိုးရိမ်ရ ဒဏ်ရာရရှိခဲ့ကြောင်းနှင့် အဖမ်းခံရသူများအတွက် မိသားစုဝင်များက အသက်အန္တရာယ် စိုးရိမ်နေကြကြောင်း သတင်းရရှိပါသည်။
#PAN