မတ် ၆
ဥရောပချန်ပီယံလိဂ်ရှုံးထွက်(၁၆)သင်းအဆင့်ဒုတိယအကျော့ အင်္ဂါနေ့ပွဲစဉ်တွေမှာ ဘိုင်ယန်မြူးနစ်က တိုက်စစ်မှူး ဟာရီကိန်းရဲ့ဂိုးတွေနဲ့ လာဇီယိုကို ပထမအကျော့ရှုံးကြွေးဆပ်ပြီး နောက်တဆင့်တက်ခဲ့ပါတယ်။
Allianz Arena မှာ လာဇီယိုကို ၃-၀ နဲ့ဂိုးပြတ်နိုင်ခဲ့တဲ့ ပွဲမှာ ကိန်းက ၂ ဂိုးသွင်းခဲ့ပြီး ချန်ပီယံလိဂ်မှာ သွင်းဂိုး (၂၇) ဂိုးအထိ ရှိလာပြီး ဂိုး (၃၀) သွင်းထားတဲ့ ရွန်နီရဲ့စံချိန်ကို ကပ်လာခဲ့ပါတယ်။
ပီအက်စ်ဂျီက တိုက်စစ်မှူး ကီလီယန် အမ်ဘတ်ပေရဲ့ ဂိုးနှစ်ဂိုးနဲ့ ဆိုဆီဒက်ကို စပိန်မြေမှာ အနိုင်ယူပြီး နောက်တဆင့်တက်ခဲ့ပါတယ်။
ပီအက်စ်ဂျီဟာ ချန်ပီယံလိဂ်ကို နောက်ဆုံးဝင်ပြိုင်ထားတဲ့ ၈ ကြိမ်မှာ Last 16 ကနေ သုံးကြိမ်မြောက် နောက်တဆင့်တက်ခဲ့တာ ဖြစ်ပါတယ်။
