နိုဝင်ဘာ ၂၃
အစ္စရေးနှင့် ဟားမတ်စ်တို့ကြား ကာတာမှ ကြားဝင်စေ့စပ်ထားသည့် သဘောတူညီချက်သည် ပါလက်စတိုင်းတို့အတွက် ဟားမတ်စ်က ဖမ်းဆီးထားသည့် ဓားစာခံများ လဲလှယ်ခြင်းနှင့် ယာယီအပစ်အခတ်ရပ်စဲရေးကို ကြာသပတေးနေ့ နံနက် ၁၀ နာရီတွင် စတင်အသက်ဝင်မည်ဖြစ်သည်။ ယာယီအပစ်အခတ်ရပ်စဲရေးတွင် လက်ဘနွန်မှ ဟစ်ဇ်ဘိုလာအဖွဲ့ ပါဝင်မည်ဟု မျှော်လင့်ထားကြောင်း အဆိုပါအဖွဲ့အစည်းမှ သတင်းရင်းမြစ်တစ်ခုက Al-Jazeera သို့ ပြောကြားခဲ့သည်။ အဆိုပါ သဘောတူညီချက်ကို အနောက်နိုင်ငံနှင့် အာရပ်နိုင်ငံများက ချီးကျူးခဲ့ကြပြီး အပြည့်အဝ အပစ်အခတ်ရပ်စဲရေးသို့ တိုးချဲ့သင့်သည်ဟုလည်း နောက်ပိုင်းတွင် ပြောကြားခဲ့သည်။
၄၇ ရက်မြောက်နေ့ ထူးခြားသတင်းများ
■ လေးရက်ကြာ အစ္စရေး-ဟားမတ်စ် အပစ်အခတ်ရပ်စဲရေးကို ကြာသပတေးနေ့ ဒေသစံတော်ချိန် နံနက် ၁၀ နာရီတွင် စတင်ရန် စီစဉ်ထားကြောင်း အစ္စရေး၊ ကာတာနှင့် ဟားမတ်စ် တာဝန်ရှိသူများက ပြောသည်။ယာယီအပစ်အခတ်ရပ်စဲရေးသည် အစ္စရေးအစိုးရမှ ဗုဒ္ဓဟူးနေ့အစောပိုင်းတွင် အတည်ပြုခဲ့သည့် သဘော တူညီချက်၏ တစ်စိတ်တစ်ပိုင်းဖြစ်သည်။ ဟားမတ်စ်သည် အစ္စရေး အကျဉ်းထောင်များတွင် ထိန်းသိမ်းခံထားရသော ပါလက်စတိုင်း အကျဉ်းသားများအတွက် ဂါဇာတွင် ဖမ်းဆီးခံထားရသော အမျိုးသမီးနှင့် ကလေး ၅၀ ကို လဲလှယ်ပေးမည်ဖြစ်သည်။ Mossad အကြီးအကဲ David Barnea သည် ဗုဒ္ဓဟူးနေ့တွင် Doha သို့ ရောက်ရှိလာပြီး သဘောတူညီချက်၏ အသေးစိတ်အချက်အလက်များကို အပြီးသတ်နိုင်ခဲ့သည်။
■ သဘောတူညီထားသည့်အချိုးမှာ အစ္စရေးဓား စာခံ ၅၀ ဦးလဲလှယ်တိုင်းနှင့် ပါလက်စတိုင်းအကျဉ်းသား ၁၅၀ ဦးအထိ လွှတ်ပေးရန်ဖြစ်သည်။ နောက်ထပ် ဓားစာခံ ၁၀ ဦးကို ပြန်လွှတ်ပေးလိုက်တိုင်း အပစ်အခတ် ရပ်စဲရေးကို တစ်ရက် သက်တမ်းတိုးပေးမည်ဖြစ်ပြီး အများဆုံး ဆယ်ရက်အထိ တိုးပေးရန်ဖြစ်သည်။
■ သဘောတူညီချက်တွင် ဂါဇာကမ်းမြောင်တောင်ပိုင်းတွင် အစ္စရေး၏ ဝေဟင်လှုပ်ရှားမှုကို ရပ်ဆိုင်းလိုက်ခြင်းလည်း ပါဝင်ပြီး မြောက်ဘက်တွင် တစ်ရက်လျှင် ခြောက်နာရီသာ ကန့်သတ်မည်ဟု ဟားမတ်စ်က ပြောသည်။
■ အပစ်အခတ်ရပ်စဲရေးကာလအတွင်း လူသားချင်းစာနာထောက်ထားမှုဆိုင်ရာအကူအညီများ တင် ဆောင်လာသည့် ထရပ်ကားအစီးရေ ၃၀၀ ကို ဂါဇာကမ်းမြောင်သို့ ခွင့်ပြုပေးမည်ဖြစ်ကြောင်း ဟားမတ်စ်က ပြောကြားခဲ့သည်။ ဂါဇာကမ်းမြောင်ဒေသတွင် တိုက်ပွဲများ ခေတ္တရပ်နေစဉ်အတွင်း အီးယူမှ ပေးအပ်သည့် အကူအညီများကို တိုးမြှင့်သွားမည်ဟုလည်း ပြောကြားထားသည်။
■ ဗုဒ္ဓဟူးနေ့ နံနက်တွင် အစ္စရေး တရားရေး ဝန်ကြီးဌာနသည် ဓားစာခံ သဘောတူညီချက်အရ လွှတ်ပေးရန် ကိုယ်စားလှယ်လောင်း ပါလက်စတိုင်း အကျဉ်းသား ၃၀၀ စာရင်းကို ထုတ်ပြန်ခဲ့သည်။ သဘောတူညီချက်၏ တစ်စိတ်တစ်ပိုင်းအနေဖြင့် လုံခြုံရေးအကျဉ်းသားများ လွှတ်ပေးရေးအပေါ် အစ္စရေးတရားရုံးချုပ်က ပယ်ချလိုက်သည်။
■ ဟစ်ဇ်ဘိုလာ အတွင်းရေးမှူးချုပ် ဟာဆန် နာစရာလာသည် လက်ဘနွန်ရှိ ဟားမတ်စ် အကြီးတန်း အရာရှိများနှင့် တွေ့ဆုံစဉ်တွင် ဟစ်ဇ်ဘိုလာ သတင်းရင်းမြစ်တစ်ခုက အပစ်ရပ်အဖွဲ့တွင် ပါဝင်မည်ဖြစ်ကြောင်း အယ်လ်ဂျာဇီယာသို့ ပြောကြားခဲ့သည်။
■ ဝန်ကြီးချုပ် နေတန်ယာဟုက “အပစ်အခတ်ရပ်စဲပြီးရင် စစ်ပွဲကို ရပ်သွားမှာမဟုတ်ဘူး” ဟု ညွန့်ပေါင်းအစည်းအဝေးတွင် ပြောကြားခဲ့ပါသည်။
■ အစ္စရေးရှိ ဆေးရုံခြောက်ရုံသည် အခြားလူနာများနှင့် မီဒီယာများ သီးခြားခွဲထုတ်ထားသော သတ် မှတ်ထားသည့် အဝန်းအဝိုင်းများတွင် ဓားစာခံများကို လက်ခံရန် အဆင်သင့်ဖြစ်နေသည်။
■ ပါလက်စတိုင်းအကျဉ်းသားများ လွတ်မြောက် ရေး အခမ်းအနားများကို အစ္စရေးပိုင်နက်အတွင်း အရှေ့ဂျေရုဆလင်တွင် နေထိုင်ကြသူအချို့ကို တားဆီးကာကွယ်ရန် အရာရှိများကို အစ္စရေးအကြီးတန်း ရဲအရာရှိများက ညွှန်ကြားထားကြောင်း မှတ်ချက်ပြုထား သည်။
■ အမေရိကန်သမ္မတ ဂျိုးဘိုင်ဒင်သည် ဂါဇာတွင် အစ္စရေးနှင့် ဟားမတ်စ်သဘောတူညီချက်ကို ကြိုဆိုခဲ့ပြီး ကာတာနှင့် အီဂျစ်ခေါင်းဆောင်များကို ဖျန်ဖြေပေးသည့်အတွက် ကျေးဇူးတင်ကြောင်း ပြောကြားခဲ့သည်။
■ အပစ်အခတ်ရပ်စဲရေးကို အာရပ်နိုင်ငံခြားရေးဝန်ကြီးများက ကြိုဆိုခဲ့သော်လည်း အပြည့်အ၀ ရပ်စဲရေး၏ ပထမခြေလှမ်းတစ်ခု ဖြစ်လာရန်နှင့်
အရှိန်မြှင့်သင့်ကြောင်း ပြောကြားခဲ့သည်။
■ အစ္စရေး-ပါလက်စတိုင်း ပဋိပက္ခတွင် ဂါဇာတွင် ကာလကြာရှည်စွာ အပစ်အခတ်ရပ်စဲရေးကို ရုရှားမှ ချီးကျူးလိုက်ပြီး မော်စကိုက “စစ်ရေးနယ်ပယ်အပါအဝင် အီရန်နှင့် ဆက်ဆံရေးကို ဖော်ဆောင်နေသော်လည်း ၎င်းအပေါ် ကျွန်ုပ်တို့ မှတ်ချက်မပေးပါ ” ဟု ဆိုသည်။
■ ယီမင်ဟူသီသူပုန်အဖွဲ့က ပစ်လွှတ်သော ခရုဇ်ဒုံးကျည်ကို အစ္စရေးတိုက်လေယာဉ်တစ်စင်းက အစ္စရေးနိုင်ငံ၏ တောင်ဘက်စွန်းရှိ Eilat ဆီသို့ ပစ်ချခဲ့သည်။
■ IDF သည် ဂါဇာကမ်းမြောင်မြောက်ပိုင်းတွင် မြေ ပြင်စစ်ဆင်ရေးကို ဆက်လက်လုပ်ဆောင်ခဲ့ပြီး Sheikh Zayed ရပ်ကွက်ရှိ ဟားမတ်စ်ဝင်းကို သိမ်းပိုက်ခဲ့ကြောင်း ပြောကြားခဲ့သည်။ IDF သည် Al-Shifa ဆေးရုံအောက်ရှိ ဥမင်လှိုဏ်ခေါင်းတစ်ခုဆီသို့ တံခါး ၏ပုံတစ်ပုံကို ထုတ်ပြန်ခဲ့သည်။ ဂါဇာကမ်းမြှောင်တွင် တိုက်ပွဲများအတွင်း သေဆုံးခဲ့သည့် စစ်သည်နှစ်ဦး၏ အမည်များကို IDF က ထုတ်ပြန်ခဲ့သည်။
■ ဂါဇာရှိ ရွှေ့ပြောင်း ပါလက်စတိုင်းများအား မြောက်ဘက်ရှိ နေအိမ်များသို့ အမြန်ဆုံး ပြန်ခွင့်ပြုရမည်ဟု အမေရိကန် အထူးသံတမန် David Satterfield က ဗုဒ္ဓဟူးနေ့တွင် ပြောကြားခဲ့သည်။
■ ဂျော်ဒန်မြစ်ကိုဖြတ်ပြီး အစ္စရေးလ်က ပါလက်စတိုင်းများကို အတင်းအကျပ် ဖိအားပေးရန် ကြိုးပမ်းမှုသည် နှစ်နိုင်ငံကြား ငြိမ်းချမ်းရေးသဘောတူညီချက်ကို ချိုးဖောက်ရာရောက်ကြောင်း ဂျော်ဒန်စစ်တပ်က သတိပေးထားပါသည်။
■ ဗုဒ္ဓဟူးနေ့က Tulkarm ၏ အနောက်ဘက်ကမ်း၌ အစ္စရေးမောင်းသူမဲ့လေယာဉ်ဖြင့် တိုက်ခိုက်မှုအတွင်း ပါလက်စတိုင်းငါးဦး သေဆုံးခဲ့ကြောင်း ပါလက်စတိုင်းအာဏာပိုင်များ၏ ကျန်းမာရေးဝန်ကြီးဌာနက သတင်းထုတ်ပြန်ခဲ့သည်။
■ ပုပ်ရဟန်းမင်းကြီး ဖရန်စစ်သည် အစ္စရေးဓား စာခံများနှင့် ပါလက်စတိုင်းတို့၏ ဆွေမျိုးများနှင့် ဗုဒ္ဓဟူး နေ့တွင် သီးခြားစီတွေ့ဆုံခဲ့သည်။ သူနဲ့တွေ့ဆုံခဲ့တဲ့ ပါလက်စတိုင်းသားတွေက ဂါဇာကမ်းမြောင် ဒေသက အဖြစ်အပျက်တွေကို ဖော်ပြဖို့ “လူမျိုးတုံးသတ်ဖြတ်မှု” ဆိုတဲ့ စကားလုံးကို အသုံးပြုခဲ့သည်ဟု ဆိုပါသည်။ ဗာတီကန်က ၎င်းကို ငြင်းဆိုခဲ့သည်။
■ ဟားမတ်စ်တို့၏ တိုက်ခိုက်မှုကြောင့် အောက်တို ဘာ ၇ ရက်က ပျောက်ဆုံးနေသည့် အသက် ၂၅ နှစ်အရွယ်ရှိ Shani Gabay ၏ ရုပ်အလောင်းကို တွေ့ရှိခဲ့ကြောင်း အစ္စရေးအာဏာပိုင်များက ကြေညာခဲ့သည်။
#PAN