ပုသိမ်မြို့၊ ကန်သာယာဟစ်တိုင် ကွင်းတွင် အကြမ်းဖက် များအား ဆန့်ကျင်ရှုတ်ချခြင်းနှင့် ရှေ့တန်းရောက် တပ်မတော်သားများအား အားပေးထောက်ခံပွဲ ကျင်းပ

နိုဝင်ဘာ ၁၅

ယနေ့နံနက် ၉ က ဧရာဝတီတိုင်းဒေသကြီး၊ ပုသိမ်မြို့၊ ကန်သာယာဟစ်တိုင်ကွင်းတွင် အကြမ်းဖက်များအား ဆန့်ကျင်ရှုတ်ချခြင်းနှင့် ရှေ့တန်းရောက် တပ်မတော်သားများအား အားပေးထောက်ခံပွဲကို ကျင်းပခဲ့ကြကြောင်း သိရှိရသည်။

အကြမ်းဖက်များအား ဆန့်ကျင်ရှုတ်ချခြင်းနှင့် ရှေ့တန်းရောက် တပ်မတော်သားများအား အားပေး ထောက်ခံပွဲတွင် ပြည်သူ တစ်ဦးဖြစ်သူ ဦးအောင်မိုးကျော်နှင့် ဦးချိုမြင့်ခိုင်တို့မှ NCA ကို ဆန့်ကျင်ပြီး စစ်ပွဲခေါ်ယူခဲ့သည့် KIA ၊ AA ၊ TNLA ၊ MNDAA ၊ BPLA နှင့် အကြမ်းဖက် PDF တိုအား ဆန့်ကျင် ရှုတ်ချခြင်းနှင့် ရှေ့တန်းရောက် တပ်မတော်သားများအား အားပေးထောက်ခံကြောင်း ဟောပြောခဲ့သည်။

၎င်းနောက် တက်ရောက်လာသော ပြည်သူများက “တရားသောစစ် အောင်ရမည် ၊ တပ်နှင့်ပြည်သူအတူတူ သွေးခွဲလာသူ ဒိုရန်သူ၊ အစဉ်အလာကောင်းတဲ့ တပ်မတော် ဒိုတပ်မတော် ၊ တပ်မတော် ဖြိုခွဲမည့်အကြံ ဒိုလက်မခံ၊ တပ်မတော် အင်အား ကို ချိုးနှိမ်မှုမှန်သမျှ ချေမှုန်းကြ၊ တပ်နှင့်ပြည်သူ လက်တွဲတူ ပြည်ထောင်စု ဖြိုခွဲသူမှန်သမျှ ချေမှုန်းကြ၊ တရားဥပဒေစိုးမိုး ရေးနှင့် ပြည်သူများ၏ အသက်အိုးအိမ်စည်းစိမ် ကာကွယ်ရေး ဒိုအရေး၊ အချုပ်အခြာအာဏာ ကာကွယ်စောင့်ရှောက်သည့် တပ်မတော် ဒိုတပ်မတော်၊ KIA ၊ AA ၊ TNLA ၊ MNDAA ၊ BPLA နှင့် အကြမ်းဖက် PDF များအား အလိုမရှိ၊ နယ်မြေတည် ငြိမ်အေးချမ်းရေး – ဒိုအရေး၊ နိုင်ငံတော်နှင့် နိုင်ငံသားများ၏ အသက်အိုအိမ်စည်းစိမ်ကို ကာကွယ်စောင့်ရှောက်နေသည့် ရှေ့တန်းရောက် တပ်မတော်သားများအား ကျန်းမာပါစေ” စသည်ဖြင့် ကြွေးကြော်ခဲ့ကြကြောင်း သိရှိရသည်။

အဆိုပါအကြမ်းဖက်များအား ဆန့်ကျင်ရှုတ်ချခြင်းနှင့် ရှေ့တန်းရောက် တပ်မတော်သားများအား အားပေးထောက်ခံပွဲ အခမ်းအနားသို့ ပြည်သူ ၆၀၀ကျော်တက်ရောက်ခဲ့ကြပြီး ဇာတိမာန်သီချင်းကို ပြိုင်တူသီဆို၍ အခန်းအနားကိုကြွေးကြော်သံ များဖြင့်အောင်မြင်စွာဖြင့်ရုတ်သိမ်းခဲ့ကြကြောင်း သိရှိရသည်။

ပြည်သူများက “ဥပဒေနှင့်အညီ ဆောင်ရွက်သော တပ်မတော်အား ကြိုဆိုပါသည်၊ ပြည်သူတို၏ အကျိုးအမှန်ဖော်သည့် တပ်မတော်ကို ထောက်ခံ့ပါသည်၊ အစဉ်အလာကောင်းတဲ့ ဒိုတပ်တော်၊ တရားဥပဒေစိုးမိုးရေးနှင့် ပြည်သူများ၏ အသက်အိုးအိမ်စည်းစိမ်ကာကွယ်ရေး ဒိုအရေး” စသည့် ပိုစတာများ ကိုင်ဆောင်၍ တက်ရောက်ခဲ့ကြောင်း သတင်းရရှိပါသည်။