ဩဂုတ် ၂၂
ရှမ်းပြည်နယ်(တောင်ပိုင်း)၊ ရပ်စောက်မြို့တွင် နယ်မြေလုံခြုံရေးပူးပေါင်းအဖွဲ့မှ တာဝန်ရှိများသည် မြို့ပေါ်ရပ်ကွက်များကို ဧည့်စာရင်းလိုက်လံ စစ်ဆေးခဲ့ရာ မြို့ဦးရပ်ကွက်ရှိ sunlight တည်းခိုရိပ်သာ၌ မင်္သကာသူ ၄ ဦးကို ယနေ့ နံနက်ပိုင်းက ဖမ်းဆီးရမိခဲ့သည်။
အဆိုပါ ဖမ်းဆီးရမိသူများကို စစ်ဆေးရာ ၎င်းတို့ ထွက်ဆိုချက်များအရ လက်နက်ခဲယမ်းများ ရောင်းချမည့်သူ စိုင်းဝမ်းအား မြို့ဦးရပ် ကွက်ရှိ အိုးအိမ်ဝန်ထမ်းအိမ်ရာတွင် ဖမ်းဆီးရမိခဲ့သည်။
ထို့အပြင် ၎င်းတို့၏ ထွက်ဆိုချက်များအရ ရပ်စောက်မြို့နယ်၊ ယမ်းတွင်းငါးကြောင်ကျေးရွာ အုပ်စု၊ ဆပ်သေကျေးရွာ၊ အမှတ်(၅)ရပ်ကွက်ရှိ ဦးစိန်အောင် နေအိမ်၌ လက်နက်ခဲယမ်းများ သိုဝှက်ထားကြောင်း ဖော်ထုတ်ချက်အရ ၎င်းနေအိမ်သို့ သွားရောက် ရှာဖွေစစ်ဆေးခဲ့ကြောင်း သိရသည်။
ထိုသို့ ရှာဖွေစစ်ဆေးရာ ၎င်းနေအိမ်မှ MA-3 ၁ လက်၊ AK-47 ၂ လက်၊ M-4 ၁ လက်၊ MA-3 ကျည်အိမ် ၁ ခု၊ AK-47 ကျည်အိမ် ၄ ခု၊ M-4 ကျည်အိမ် ၁ ခု၊ ၅.၅၆ ကျည် ၈ တောင့်၊ ၇.၆၂ ကျည် ၆ တောင့်၊ ပြောက်ကျားဝတ်စုံ ၁၀ စုံ၊ ပြောက်ကျားဦးထုပ် ၁၀ လုံး၊ ခါးပတ်အကြီး ၉ ချောင်း၊ ပစ္စတိုအိတ် ၉ လုံးတို့ကို သိမ်းဆည်းရမိခဲ့ကြောင်း သတင်းရရှိပါသည်။
#PAN