(မှုခင်း) စက်တင်ဘာ ၂၁
တနင်္သာရီတိုင်းဒေသကြီး၊ ကော့သောင်းမြို့နယ်တွင် စက်တင်ဘာ ၁၉ ရက်နေ့က ဆီဘောက်ဆာယာဉ်မှ ဆိုင်ကယ်အား ဝင်ရောက်တိုက်မိသဖြင့် အမျိုးသား တစ်ဦး သေဆုံးသွားကြောင်း သိရသည်။
ဖြစ်စဉ်မှာ ကော့သောင်းမြို့နယ်၊ အေးရိပ်ငြိမ်ရပ်ကွက်၊ မြရည်ပုလဲလမ်းအတိုင်း ရွှေပြည်သာရပ်ကွက်ဘက်သို့ ကော့သောင်းမြို့၊ ယုဇနဆီအုန်းကုမ္ပဏီဝင်းနေ ကျော်နိုင်လင်း၊ ၃၄ နှစ် မောင်းနှင် လာသည့် TNI/4B-XXXX NISSAN PS-6 အဖြူရောင် ဆီဘောက်ဆာယာဉ်သည် မြရည်ပုလဲလမ်း သုခရေခဲစက်အဝင်ဘက်သို့ ရောက်ရှိစဉ် ရွှေပြည်သာရပ်ကွက်မှ မြရည်ပုလဲရပ်ကွက်ဘက်သို့ ရွှေပြည်သာရပ်ကွက်နေ မောင်ပြည့်ဦးပိုင်၊ ၁၈ နှစ် မောင်းနှင်လာသည့် ဆိုင်ကယ်အား အရှိန်မထိန်းနိုင်ဘဲ ဝင်ရောက်တိုက်မိခဲ့သဖြင့် မောင်ပြည့်ဦးပိုင် တွင် ဒဏ်ရာများရရှိကာ အခင်းဖြစ်နေရာ၌ သေဆုံးသွားခဲ့ကြောင်း သိရသည်။
ကျော်နိုင်လင်း အား ကော့သောင်းမြို့မရဲစခန်း ယာဉ်(ပ)၁၃/၂၀၂၅၊ ရာဇသတ်ကြီးပုဒ်မ ၃၀၄-က ဖြင့် အမှုဖွင့် အရေးယူထားကြောင်း သိရသည်။
#PAN