(မှုခင်း) ဩဂုတ် ၁
ရှမ်းပြည်နယ်၊ လွိုင်လင်ခရိုင်၊ လွိုင်လင်မြို့နယ်၊ ပင်လုံမြို့၊ အမှတ်(၃)ရပ်ကွက်တွင် ယမန်နေ့ညနေ၆နာရီခွဲအချိန်က လေပြင်းတိုက်ခတ်မှုကြောင့် လူနေအိမ်ပေါ်သို့ ညောင်ပင် လဲကျမှုဖြစ်ပွားကာ လူနှစ်ဦးသေဆုံးသွားကြောင်း မီးသတ်တပ်ဖွဲ့ထံမှ သိရသည်။
လေပြင်းတိုက်ခတ်မှုကြောင့် လုံးပတ်(၁၀)ပေခန့်ရှိသော ညောင်ပင်သည် နေအိမ်ပေါ်သို့ လဲကျနေကြောင်း သတင်းအရ လွိုင်လင်ခရိုင်မီးသတ်စခန်းမှ မီးငြှိမ်းသတ်ယာဉ်(၁)စီး၊ ပင်လုံနယ်မြေမီးသတ်စခန်းမှ မီးငြှိမ်းသတ်ယာဉ်(၁)စီး၊ သန္ဓေမီးသတ်တပ်ဖွဲ့ဝင်များ၊ အရန်မီးသတ်တပ်ဖွဲ့ဝင်များဖြင့် ကယ်ဆယ်ရေးလုပ်ငန်းများဆောင်ရွက်ခဲ့ရသည်။
အဆိုဖြစ်စဉ်ကြောင့် ကျား(၂)ဦး၊ မ(၁)ဦး စုစုပေါင်း(၃)ဦးအနက် ကျား ငယ်(၁)ဦး (သေဆုံး)၊ ကျား(၁)ဦး ထိခိုက်ဒဏ်ရာ(မစိုးရိမ်ရ)နှင့် မ(၁)ဦး ထိခိုက်ဒဏ်ရာ(မစိုးရိမ်ရ) ရရှိခဲ့ကြောင်းသိရပါသည်။