(အားကစား) ဇန်နဝါရီ ၅
လေဗာကူဆင်အသင်း အမှုဆောင်အရာရှိချုပ် ဖာနန်ဒိုကာရို က မန်စီးတီးအသင်းကခေါ်ယူရန် ပစ်မှတ်ထားနေတဲ့ အသင်းကွင်းလယ်ကစားသမား ဖလော်ရီယန်ဝက်စ် ကို အသင်းမှာ ဆက်ထိန်းထားရန်ခက်ခဲကြောင်း ဝန်ခံပြောကြားခဲ့ပါတယ်။
အသက် ၂၁ နှစ်အရွယ် ဂျာမန်ကွင်းလယ်တိုက်စစ်ကစားသမား ဖလော်ရီယန်ဝက်စ် ဟာ ပြီးခဲ့တဲ့ ၂၀၂၃-၂၄ ရာသီမှာ ဘွန်ဒက်စ်လီဂါချန်ပီယံဆုကို ပထမဆုံးအကြိမ် ရယူခဲ့တဲ့ လေဗာကူဆင်အသင်းမှာ အဓိကကစားသမားအဖြစ် ခြေစွမ်းပြခဲ့သူဖြစ်ပြီးဖြစ်ပါတယ်။
ပြီးခဲ့တဲ့ ယူရို ၂၀၂၄ ပြိုင်ပွဲမှာ ဂျာမနီလက်ရွေးစင်အသင်းမှာ ခြေစွမ်းပြနိုင်ခဲ့လို့ မန်စီးတီး၊ ဘိုင်ယန်၊ ရီးရဲလ် အပါအဝင် ဥရောပထိပ်တန်းအသင်းကြီးများက စိတ်ဝင်စားနေ ကြတာဖြစ်ပါတယ်။
ထိုက်တန်တဲ့ ကမ်းလှမ်းမှုတွေရှိလာ ခဲ့ရင် ဖလော်ရီယန်ဝက်စ် ကို အသင်းမှာဆက်ထိန်းထားဖို့ ခက်ခဲမှာဖြစ်တယ်လို့ အမှုဆောင်အရာရှိချုပ်ဖြစ်သူ ဖာနန်ဒိုကာရို က ပြောခဲ့ပါတယ်။
Telegram»…
https://t.me/positiveanglenews