(အားကစား) ဇန်နဝါရီလ ၅
ပရီးမီးယားလိဂ်ဘောလုံးအဖွဲ့ချုပ်က လစဉ်ပေးအပ်ချီးမြှင့်လျက်ရှိတဲ့ ပရီးမီးယားလိဂ်ပြိုင်ပွဲ ဒီဇင်ဘာလအတွက် တစ်လတာအကောင်းဆုံး ကစားသမားဆု ဆန်ခါတင်စာရင်းကို ထုတ်ပြန်ခဲ့ပါတယ်။
ပရီးမီးယားလိဂ်ပြိုင်ပွဲ ဒီဇင်ဘာလအတွက် တစ်လတာအကောင်းဆုံးကစားသမားဆု ဆန်ခါတင်စာရင်းမှာ လီဗာပူးလ်အသင်းမှ ဆာလတ်၊ အာနိုး၊ နော်တင်ဟမ်အသင်းမှ ဂစ်ဝှိုက်၊ ဘုန်းမောက်အသင်းမှ ဒင်းဟောက်ဆန်၊ နယူးကာဆယ်အသင်းမှ အီဆက်ခ်၊ ဂျက်ကော့မာဖီ၊ ချဲလ်ဆီးအသင်းမှ ကိုးလ်ပါမားနဲ့ ဖူလ်ဟမ်အသင်းမှ ရောဘတ်ဆန် တို့ပါဝင်ခဲ့ကြပြီး လီဗာပူးလ်အသင်း တိုက်စစ်ကစားသမား ဆာလတ် က အဆိုပါဆုကိုရရှိရန် ရေပန်းစားလျက်ရှိပါတယ်။
ဆာလတ် အနေနဲ့ ပြီးခဲ့တဲ့ ဒီဇင်ဘာလအတွင်း ပရီးမီးယားလိဂ်ပွဲစဉ်များမှာ အကောင်းဆုံးခြေစွမ်းပြသနိုင်ခဲ့ပြီး သွင်းဂိုး ခုနစ်ဂိုးနဲ့ ဂိုးဖန်တီးမှု နှစ်ကြိမ် ပြုလုပ်နိုင်ခဲ့တာကြောင့် ဒီဇင်ဘာလတွက် တစ်လတာအကောင်းဆုံး ကစားသမားဆုကိုရရှိရန် ရေပန်းစားနေခြင်းဖြစ်ပါတယ်။
Telegram»…
https://t.me/positiveanglenews