(အားကစား) ဇန်နဝါရီလ ၄
ပရီးမီးယားလိဂ်ပြိုင်ပွဲ တစ်လတာအကောင်းဆုံး နည်းပြဆုအတွက် ဆန်ခါတင်စာရင်း ထုတ်ပြန်ခဲ့ရာမှာ နယူးကာဆယ်အသင်းနည်းပြ ဟိုဝီ က ထိပ်ဆုံးမှ ဦးဆောင်နေကြောင်း သိရပါတယ်။
အဆိုပါ တစ်လတာအကောင်းဆုံးနည်းပြစာရင်းတွင် ဟိုဝီ အပြင် လီဗာပူးနည်းပြ စလော့၊ နော်တင်ဟမ် နည်းပြ နူနိုဆန်းတို့စ်၊ ဘုန်းမောက်နည်းပြ အီရာအိုလာ တို့ ပါဝင်ခဲ့ပြီး ဟိုဝီ က တစ်လတာအကောင်းဆုံး ဆုရရှိရန် ထိပ်ဆုံးမှ ရေပန်းစားလျက်ရှိပါတယ်။
နည်းပြ ဟိုဝီ ဟာ ဒီဇင်ဘာလအတွင်း အမှတ်ပေးပြိုင်ပွဲ ခြောက်ပွဲကစားခဲ့ရာ ဘရန့်ဖို့ဒ်အသင်းကိုသာ ရှုံးနိမ့်ခဲ့ပြီး အမှတ်ပေးဇယားကိုဦးဆောင်နေတဲ့ လီဗာပူးလ်အသင်းကို အိမ်ကွင်းမှာ သုံးဂိုးစီသရေ၊ လက်စတာ အသင်းကို လေးဂိုး ဂိုးမရှိ၊ အစ်ဝှစ်အသင်းကို လေးဂိုး ဂိုးမရှိ၊ အေဗီလာအသင်းကို သုံးဂိုး ဂိုးမရှိ၊ မန်ယူအသင်းကို နှစ်ဂိုး ဂိုးမရှိဖြင့် အနိုင်ရရှိအောင် စွမ်းဆောင်နိုင်ခဲ့လို့ အကောင်းဆုံးဆုစာရင်းမှာ ပါဝင်ခဲ့တာဖြစ်ပါတယ်။
နည်းပြ ဟိုဝီ အနေနဲ့ ကွာရာဘောင်းဖလားပြိုင်ပွဲမှာ ဘရန့်ဖို့ဒ်အသင်းကို အနိုင်ယူပြီး ကွာတားဖိုင်နယ်သို့ တက်ရောက်နိုင်ခဲ့သလို အမှတ်ပေးပြိုင်ပွဲမှာလည်း တိုက်စစ်ပိုင်းက သွင်းဂိုး ၁၃ ဂိုးနဲ့ လေးပွဲဆက်ပေးဂိုးမရှိအောင် စွမ်းဆောင်နိုင်ခဲ့တာဖြစ်ပါတယ်။
Telegram»…
https://t.me/positiveanglenews