(ပြည်တွင်း) ဇန်နဝါရီ ၄
မန္တလေးတိုင်းဒေသကြီး၊ ချမ်းအေးသာစံမြို့နယ်၊ ကန်ကောက်ရပ်ကွက်၊ မြို့ပတ်လမ်း၊ ၃၃×၃၄ လမ်းထောင့်ရှိ The wood စားသောက်ဆိုင်အနီး၌ အမျိုးသား ၁ ဦးအား အမည်မသိအမျိုးသား ၅ ဦးမှ အဓမ္မခေါ်ဆောင်သွားကြောင်း သိရသည်။
ယမန်နေ့ ညနေ ၅ နာရီ ၃၀ မိနစ်အချိန်ခန့်က ပုသိမ်ကြီးမြို့နယ်၊ နန်းဦးလွင်ကျေးရွာ၊ ၁၉ လမ်းရှိ “စတားပါဝါ” စက်သုံးဆီ အရောင်းဆိုင်ပိုင်ရှင် ဦးထွန်းလင်းနိုင်ဦး၊ ၄၆ နှစ်၊(ဘ)ဦးမောင်၀င်းသည် မမြတ်နိုးခင်(ခ)မိုကို၊ ၂၅ နှစ်၊ (ဘ)ဦးကျော်လွင်၊ ၆၆×၃၈(A)လမ်းထောင့်၊ မဟာအောင်မြေမြို့နယ်နေသူနှင့်အတူ “The wood” စားသောက်ဆိုင်မှ စားသောက်ပြီး 5P/….. Hijet အမျိုးအစား အဖြူရောင်မော်တော်ယာဉ်ဖြင့် ထွက်ခွာလာစဉ် “The wood” စားသောက်ဆိုင်အနီး မြို့ရှောင်လမ်းပေါ်၌ အမည်မသိ အမျိုးသား ၅ ဦးမှ ဦးထွန်းလင်းနိုင်ဦး မောင်းနင်သည့် မော်တော်ယာဉ်အား တားဆီးကာ ကားပေါ်မှဆွဲခေါ်၍ ၎င်းတို့စီးနင်းလာသည့် နံပါတ်/အမျိုးအစား(စိစစ်ဆဲ) အနက်ရောင်ကားပေါ်သို့ တင်ဆောင်ကာ မြို့ပတ်လမ်းအတိုင်း မြောက်မှ တောင်သို့ မောင်းနှင်သွားခဲ့ကြောင်း သိရသည်။
အဆိုပါ ဦးထွန်းလင်းနိုင်ဦးအား အဓမ္မဖမ်းဆီး ခေါ်ဆောင်သွားသူများအား ဖမ်းဆီရမိရေးအတွက် သက်ဆိုင်ရာ တာဝန်ရှိသူများမှ စုံစမ်းရှာဖွေလျက်ရှိကြောင်း သိရှိရသည်။
Telegram»…
https://t.me/positiveanglenews