(အားကစား) ဇန်နဝါရီ ၃
အာဆင်နယ်အသင်းနည်းပြ အာတီတာ က မိမိတို့အသင်းအနေနဲ့ ပရီးမီးယားလိဂ်ချန်ပီယံဆုအတွက် အမှတ်ပေးဇယားထိပ်ဆုံးမှ လီဗာပူးလ်အသင်းကို နောက်ဆုံးအချိန်အထိ ဖိအားပေးသွားမယ်လို့ သတိပေးပြောကြားခဲ့တာ ဖြစ်ပါတယ်။
အာဆင်နယ်အသင်းက ပရီးမီးယားလိဂ်ပွဲစဉ် ၁၉ အပြီးမှာ ရမှတ် ၃၉ မှတ်နဲ့ အဆင့် (၂) နေရာ ရပ်တည်နေပြီး အမှတ်ပေးဇယားထိပ်မှ တစ်ပွဲလျော့ကစားထားတဲ့ လီဗာပူးလ်အသင်းနဲ့ ၆ မှတ်အထိ ကွာဟနေတာ ဖြစ်ပါတယ်။
ဒါကြောင့် အာဆင်နယ်အသင်းအနေနဲ့ ပရီးမီးယားလိဂ်ချန်ပီယံဆုအတွက် လီဗာပူးလ်အသင်းကို လိုက်မီရန် ခက်မယ်လို့ ဝေဖန်မှုများ ရှိနေပေမယ့် အာတီတာ က ပရီးမီးယားလိဂ်တွင် ပွဲတိုင်းအနိုင်ရတဲ့ အသင်းမရှိသေးကြောင်း နှင့် လီဗာပူးလ်အသင်းသာ ခြေချော်ခဲ့ပါက ၎င်းတို့အနေဖြင့် ကျော်တက်ရန် အသင့်ရှိနေကြောင်း ပြောကြားခဲ့ပါတယ်။
Telegram»…
https://t.me/positiveanglenews