(အားကစား) ဒီဇင်ဘာ ၃၁
ဘာစီလိုနာအသင်းရဲ့ အဓိကတိုက်စစ်ကစားသမား ယာမယ် အနေနဲ့ ယခုနှစ်အတွင်း လူငယ်ကစားသမား များအတွက် တစ်ဦးချင်းဆုအားလုံးကို သိမ်းပိုက်ရရှိခဲ့ကြောင်း သိရပါတယ်။
ဘာစီလိုနာအသင်းနဲ့အတူ ပြီးခဲ့တဲ့ ဘောလုံးရာသီမှစတင်ကာ အကောင်းဆုံးခြေစွမ်းပြ ကစားနိုင်ခဲ့တဲ့အပြင် စပိန်အသင်း ယူရို ၂၀၂၄ ပြိုင်ပွဲတွင် ချန်ပီယံဆုဆွတ်ခူးနိုင်အောင် အဓိကပါဝင်ခဲ့ပြီး ယခုနှစ်အတွင်း လူငယ်ကစားသမား များအတွက် တစ်ဦးချင်းဆုအားလုံးကိုပါ ရရှိခဲ့တာဖြစ်ပါတယ်။
ယာမယ် ဟာ ယခုနှစ်အတွင်း ဘာစီလိုနာအသင်း၊ စပိန်အသင်းတို့နဲ့အတူ အကောင်းဆုံးခြေစွမ်းပြနိုင်ခဲ့ပြီး ကမ္ဘာ့ဘောလုံးအဖွဲ့ချုပ်နှင့် ပြင်သစ်မဂ္ဂဇင်းတို့ ပူးပေါင်းပေးအပ် ချီးမြှင့်သည့် လူငယ်ကမ္ဘာ့တစ်နှစ်တာအကောင်းဆုံး ကစားသမားဆုနှင့် ကမ္ဘာ့ဘောလုံးအဖွဲ့ချုပ်က သီးသန့်ပေးအပ်သည့် ဖီဖာတစ်နှစ်တာအကောင်းဆုံး လူငယ်ကစားသမား ဆုတို့ကို ဆွတ်ခူးနိုင်ခဲ့ပါတယ်။
ဒါ့အပြင် ဒူဘိုင်းအားကစားကောင်စီက ပေးအပ်ချီးမြှင့်ခဲ့သည့် လူငယ်ကစားသမားများအတွက် ထိပ်တန်းဆု တစ်ဆုဖြစ်တဲ့ Globe Soccer လူငယ်တစ်နှစ်တာ အကောင်းဆုံးကစားသမားဆုကိုလည်း ဆွတ်ခူးနိုင်ပြီးနောက် တစ်နှစ်တာအတွင်း လူငယ်ကစားသမားများအတွက် တစ်ဦးချင်းဆုများမှ အဓိကဆုသုံးဆုကို ဆွတ်ခူးနိုင်ခဲ့ကြောင်း သိရပါတယ်။
Telegram»…
https://t.me/positiveanglenews