(မှုခင်း) ဒီဇင်ဘာ ၂၇
ရန်ကုန်တိုင်းဒေသကြီး၊ မင်္ဂလာဒုံမြို့နယ်၊ သဃ်န်းကျွန်းကြီးကျေးရွာအုပ်စု၊ အမှတ် (၃)လမ်းမကြီး၊ အိုးအိမ်မှတ်တိုင်နှင့် ညောင်ပင်မှတ်တိုင်ကြားတွင် ယနေ့ညနေ ၆ နာရီအချိန်ခန့်က ယာဉ်တိုက်မှုဖြစ်ပွားခဲ့ကြောင်း သိရသည်။
ဖြစ်စဉ်မှာ ယောင်္ကျားစိတ်ပေါက်နေဟန်ရှိသော အမျိုးသမီးတစ်ဦးသည် အမှတ်(၃)လမ်းဆုံဘက်သို့ လမ်းလယ်မှနေ၍ လမ်းလျောက်နေစဉ် ပုလဲဘက်မှ အမှတ်(၃)လမ်းဆုံဘက်သို့ ဦးတည်မောင်းနှင်သွားသော ၁၀ ပေခန့်ရှိ ဘောက်ကားအဝါရောင်တစ်စီးမှ တိုက်မိပြီး မောင်းနှင်ထွက်ပြေးသွားခဲ့ကြောင်း မျက်မြင်တစ်ဦး၏ ပြောကြားချက်အရ သိရှိရသည်။
တိုက်ခံရသူမှာ အသက် ၂၅ နှစ်ခန့်အရွယ် အမျိုးသမီးဖြစ်ပြီး ယာဉ်တိုက်မှုဖြစ်ပွားသည့်နေရာတွင် သေဆုံးသွားခဲ့ရပြီး သေဆုံးသူရုပ်အလောင်းအား ပုလဲအရံမီးသတ်တပ်ဖွဲ့ ကားဖြင့် မြောက်ဥက္ကလာပဆေးရုံသို့ ပိုဆောင်ခဲ့ကြောင်း သိရသည်။
Telegram»…
https://t.me/positiveanglenews