(အားကစား) ဒီဇင်ဘာ ၂၆
ဆော်ဒီနိုင်ငံမှာ ကျင်းပမယ့် UFC Fight Night ပြိုင်ပွဲမှာ မစ်ဒယ်ဝိတ်တန်းချန်ပီယံဟောင်း အဒီဆန်ညာနှင့် အီမာဗော့ဗ်တို့ ခေါင်တွဲဆိုင်းအဖြစ် ယှဉ်ပြိုင်ထိုးသတ်မယ်လို့ သိရပါတယ်။ UFC Fight Night 250 ပြိုင်ပွဲကို ဖေဖော်ဝါရီလ ၁ ရက်တွင် ဆော်ဒီနိုင်ငံ၊ ရီယာ့ဒ် မြို့ရှိ ANB Arena ၌ ကျင်းပမည်ဖြစ်ပြီး တွဲဆိုင်းစုစုပေါင်း ၁၁ ပွဲ ထည့်သွင်းထားပါတယ်။
ယင်းပြိုင်ပွဲမှာ ခေါင်တွဲဆိုင်းအဖြစ် နိုင်ဂျီးရီးယားနိုင်ငံဖွား နယူးဇီလန်ကစားသမား အဒီဆန်ညာနှင့် ရုရှားနိုင်ငံဖွား ပြင်သစ်ကစားသမား အီမာဗော့ဗ်တို့ မစ်ဒယ်ဝိတ်တန်းပွဲစဉ် ယှဉ်ပြိုင်ထိုးသတ်မှာ ဖြစ်ပါတယ်။
ယခုပွဲစဉ်မှာ ချန်ပီယံစိန်ခေါ်ပွဲမဟုတ်သော်လည်း ငါးချီထိုးသတ်ရမည်ဖြစ်ပြီး မစ်ဒယ်ဝိတ်တန်း ချန်ပီယံဟောင်း အဒီဆန်ညာအနေနဲ့ ၂၀၁၉ ခုနှစ် ဧပြီနောက်ပိုင်း ပထမဆုံး အကြိမ် ချန်ပီယံစိန်ခေါ်ပွဲမဟုတ်ဘဲ ထိုးသတ်ရခြင်း ဖြစ်ပါတယ်။
အသက် ၃၅ နှစ်အရွယ်ရှိပြီဖြစ်တဲ့ အဒီဆန်ညာ က ပရော်ဖက်ရှင်နယ် ပွဲစဉ်စုစုပေါင်း ၂၈ ပွဲထိုးသတ်ခဲ့ကာ ၂၄ ပွဲနိုင်၊ လေးပွဲ ရှုံးနိမ့်ထားပြီး နောက်ဆုံးလေးပွဲတွင် ရှုံးပွဲသုံးပွဲ ကြုံတွေ့ထားပါတယ်။
အသက် ၂၉ နှစ်အရွယ် အီမာဗော့ဗ် ကတော့ ပရော်ဖက်ရှင်နယ် ပွဲစဉ်စုစုပေါင်း ပွဲ ၂၀ ထိုးသတ်ရာ ၁၅ ပွဲနိုင်၊ လေးပွဲရှုံးနိမ့်ပြီး တစ်ပွဲကတော့ ရလဒ်ပယ်ဖျက် ခံထားရပါတယ်။
Telegram»…
https://t.me/positiveanglenews