(မှုခင်း) ဒီဇင်ဘာ ၂၆
မန္တလေးတိုင်းဒေသကြီး၊ အမရပူရမြို့နယ်တွင် ဒီဇင်ဘာ ၂၄ ရက်က မော်တော်ယာဉ်နှင့် ဆိုင်ကယ်တို့ မျက်နှာချင်းဆိုင်တိုက်မိသဖြင့် အမျိုးသားတစ်ဦး သေဆုံးခဲ့ကြောင်း သိရသည်။
ဖြစ်စဉ်မှာ ဒီဇင်ဘာ ၂၄ ရက် ညနေ ၅ နာရီ မိနစ် ၅၀ တွင် အမရပူရမြို့နယ် ညောင်ပင်စောက်ကျေးရွာအနီး ၆၇ လမ်းပေါ် တွင် မြောက်ဘက်မှ တောင်ဘက်သို့ ဦးအောင်မျိုး၊ ၄၃ နှစ်၊ မောင်းနှင်လာသည့် MDY 46W/xxxxx Yinxiang ဆိုင်ကယ်နှင့် အဆိုပါလမ်းအတိုင်း တောင်ဘက်မှမြောက်ဘက်သို့ ပုသိမ်ကြီးမြို့နယ် ကွေ့ကြီးကုန်းကျေးရွာနေ ဦးဖိုးဇော်၊ ၄၆ နှစ် မောင်းနှင်လာသည့် MDY 9F/xxxx Toyota Dyna ယာဉ်တို့ မျက်နှာချင်းဆိုင်တိုက်မိခဲ့ရာ ဦးအောင်မျိုးမှာ ဒဏ်ရာများရရှိခဲ့သောကြောင့် မန္တလေးပြည်သူ့ဆေးရုံကြီးသို့ ပို့ဆောင်ဆေးကုသမှုခံယူနေစဉ် သေဆုံးသွားခဲ့ရာ အောင်မျိုးနှင့် ဖိုးဇော်တို့အား မြစ်ငယ်နယ်မြေရဲစခန်းက အမှုဖွင့်အရေးယူထားကြောင်း သတင်းရရှိသည်။
Telegram»…
https://t.me/positiveanglenews