(အားကစား) ဒီဇင်ဘာ ၂၆
စပါးအသင်းနည်းပြ အန်ဂျီက လာမယ့်ဇန်နဝါရီအပြောင်းအရွှေ့ကာလမှာ စပါးအသင်းအနေနဲ့ ကစားသမား အင်အားဖြည့်တင်းဖို့ လိုအပ်တယ်လို့ ပြောကြားခဲ့ပါတယ်။
စပါးအသင်းဟာ ပရီးမီးယားလိဂ်နောက်ဆုံး ၄ ပွဲမှာ ၃ ပွဲရှုံးနိမ့်ခဲ့ပြီး အဆင့် (၁၁) နေရာကို ရောက်ရှိနေတာ ဖြစ်ပါတယ်။ လက်ရှိစပါးအသင်းမှာ ပွဲထွက်ဂိုးသမား ဗစ်ကာရီယိုအပါအဝင် အသင်းရဲ့ အဓိကကစားသမားအချို့ ဒဏ်ရာပြဿနာတွေနဲ့ ရင်ဆိုင်နေရတာဖြစ်ပါတယ်။
ဒီဇင်ဘာလ ၂၆ ရက်မှာ ဘောက်ဆင်ဒေးပွဲအဖြစ် ပရီးမီးယား လိဂ် အဆင့် (၄) က နော်တင်ဟမ်အသင်းအိမ်ကွင်းကို သွားကစားရမယ့် ပွဲစဉ်မတိုင်မီ သတင်းစာရှင်းလင်းပွဲမှာ နည်းပြ အန်ဂျီက လူအင်အားဖြည့်တင်းဖို့ လိုအပ်တယ်ဆိုတာကို အဓိကထားပြောကြားသွားခဲ့တာ ဖြစ်ပါတယ်။
အရင်ထဲကပြောခဲ့သလို လူခေါ်ဖို့အတွက် အစီအစဉ်တွေရှိပြီး အသင်းအတွက် အမှန်တကယ်လိုအပ်တဲ့ နေရာတွေကို ဖြည့်တင်းနိုင်ဖို့ ကြိုးစားသွားမယ်လို့ နည်းပြ အန်ဂျီ က ပြောကြားခဲ့ပါတယ်။
Telegram»…
https://t.me/positiveanglenews