(မှုခင်း) ဒီဇင်ဘာ ၂၄

ရန်ကုန်တိုင်း၊ တာမွေမြို့နယ်တွင် ဆီဘောက်ဆာကား ဘရိတ်ပေါက်ရာမှ အရှိန်မထိန်းနိုင်သဖြင့် လဘက်ရည်ဆိုင်အား ဝင်တိုက်မှု ဖြစ်ပွားခဲ့ကြောင်း သိရသည်။

ယမန်နေ့ ညနေ ၅ နာရီ ၁ မိနစ်အချိန်ခန့်က တာမွေမြို့နယ်ရှိ သမိန်ဗရမ်းလမ်းအတိုင်း တာမွေဗလီဘက်သို့ မောင်းနှင်လာသည့် ဆီဘောက်ဆာကားသည် နတ်ချောင်းရပ်ကွက်၊ သမိန်ဗရမ်းလမ်းနှင့် ပွဲစားတန်းလမ်းထောင့်အရောက် ဘရိတ်ပေါက်ကာ အရှိန်မထိန်းနိုင်သဖြင့် လမ်းဘေးရှိလဘက်ရည်ဆိုင်အား ဝင်တိုက်မိခဲ့ခြင်းဖြစ်ကြောင်း သိရသည်။။

အဆိုပါ ဆီဘောက်ဆာကား ဝင်တိုက်မိခဲ့သဖြင့် လက်ဖက်ရည်ဆိုင်က အကြော်ဆရာနဲ့ ပလုံကောက်တဲ့ အမျိုးသမီးတွင်(စိုးရိမ်ရ)ဒဏ်ရာများရရှိခဲ့ပြီး လူမှုကူညီရေးအသင်းဝင်များက ကူညီကယ်ဆယ်မှုများပြုလုပ်ခဲ့ကြကြောင်း၊ ဒဏ်ရာရရှိသူများအား ရန်ကုန်ပြည်သူ့ဆေးရုံကြီးသို့ ပို့ဆောင်ပေးခဲ့ကြကြောင်း သိရသည်။