(နိုင်ငံတကာ) ဒီဇင်ဘာ ၂၃
ရန်ကုန်မြို့၊ သီရိမင်္ဂလာကမ္ဘာအေးကုန်းမြေရှိ ဆဋ္ဌသင်္ဂါယနာ မဟာပါသဏလိုဏ်ဂူတော်ကြီးမှာ (၇၇) ကြိမ်မြောက် တိပိဋကဓရ တိပိဋကကောဝိဒ ရွေးချယ်ရေးစာမေးပွဲကို ၂၀၂၄ ခုနှစ်၊ ဒီဇင်ဘာလ ၂၄ ရက်မှ ၂၀၂၅ ခုနှစ်၊ ဇန်နဝါရီလ ၂၅ ရက်အထိ ၃၃ ရက်ကြာ ကျင်းပသွားမှာဖြစ်ကြောင်း သာသနာရေးနှင့်ယဉ်ကျေးမှု ဝန်ကြီးဌာနမှ သိရပါတယ်။
ကျင်းပပြီးစီးခဲ့တဲ့ (၇၆) ကြိမ်မြောက် စာမေးပွဲအပြီးအထိ ပေါ်ထွန်းခဲ့တဲ့ တိပိဋကဓရ တိပိဋကကောဝိဒ သာသနာ့အာဇာနည်ဆရာတော် က မင်းကွန်းဆရာတော်ဘုရားကြီးအပါအဝင် ၁၆ ပါးရှိပြီဖြစ်တယ်လို့ သာသနာ ရေးနှင့်ယဉ်ကျေးမှုဝန်ကြီးဌာနမှ သိရပါတယ်။
အဆိုပါ စာမေးပွဲကြီးမှာ ပါဝင်လှူဒါန်းလိုတဲ့ အလှူရှင်များအနေနဲ့ ဆွမ်းပဒေသာပင်၊ စာအောင်ဆုပဒေသာပင်၊ တိပိဋကအထွေထွေရန်ပုံငွေများကို ရန်ကုန်မြို့၊ ကမ္ဘာအေးကုန်းမြေရှိ သာသနာရေးဦးစီးဌာန၊ စာမေးပွဲဌာနခွဲကို ဆက်သွယ်လှူဒါန်းနိုင်ကြောင်း အသိပေးထားပါတယ်။
#PAN