(ပြည်တွင်း) ဒီဇင်ဘာ ၁၅
စစ်ကိုင်းတိုင်းဒေသကြီး၊ နာဂကိုယ်ပိုင်အုပ်ချုပ်ခွင့်ရဒေသ၊ လဟယ်မြို့နယ် ဆပ္ပလော်နောက်ကုန်းကျေးရွာမှ ကျေးရွာသူ ကျေးရွာသားအားလုံး ဗုဒ္ဓဘာသာသို့ ဒီဇင်ဘာ ၇ ရက်နေ့က ကူးပြောင်းခဲ့ကြောင်း သိရသည်။
ဆပ္ပလော်နောက်ကုန်းကျေးရွာတွင် အိမ်ထောင်စု ၇၇ စု၊ လူဦးရေ ၄၀၀ ကျော်နေထိုင်ပြီး ဆပ္ပလော်နောက်ကုန်းရွာ၏ အကြီးအကဲများဖြစ်ကြသည့် ရွာစော်ဘွား၊ ရွာလူကြီးများနှင့် ရွာသူရွာသားများမှ မိမိတို့၏ သဘောဆန္ဒအလျှောက် ဗုဒ္ဓဘာသာကို သက်ဝင်ယုံကြည်၍ ကိုးကွယ်ခဲ့ကြခြင်းဖြစ်ကြောင်း သိရသည်။
နောင် ဗုဒ္ဓဘာသာမှတပါး အခြားဘာသာသို့.တစ်စုံတစ်ယောက်က ကူးပြောင်းဝင်ရောက်ခဲ့မည်ဆိုပါက ဗုဒ္ဓဘာသာဝင်များရှိရာ ကျေးရွာကနေထွက်သွားမည်ဖြစ်ကြောင်းကိုလည်း ရွာသူရွာသားများမှ ဝန်ခံကတိလက်မှတ်ရေးထိုးခဲ့ကြကြောင်း သိရသည်။
