(အားကစား) ဒီဇင်ဘာ ၉
ယခုတစ်ပတ်ရဲ့ ပရီးမီးယားလိဂ်ပွဲစဉ်တစ်ပွဲ ဖြစ်တဲ့ စပါးအသင်းနှင့် ချဲလ်ဆီးအသင်းတို့ရဲ့ ပွဲစဉ်မှာ ချဲလ်ဆီးအသင်းက ပွဲပြီးခါနီးမှာ ပင်နယ်တီ နှစ်ဂိုးရရှိခဲ့ပြီးနောက် စပါးအသင်းကို ၄ ဂိုး၊ ၃ ဂိုးနဲ့အနိုင်ရရှိခဲ့ပါတယ်။
အဆိုပါပွဲစဉ်မှာ အိမ်ရှင်စပါးအသင်းက ချဲလ်ဆီးအသင်းကို ဖိအားပေးကစားထားနိုင်ခဲ့ပြီး ပွဲချိန် ၅ မိနစ်မှာ ဆိုလန်ကီ၊ ပွဲချိန် ၁၁ မိနစ်မှာ ကူလူဆက်ဗ်စကီး တို့က ဦးဆောင်တွေသွင်းယူ ထားနိုင်ခဲ့ပါတယ်။
ချဲလ်ဆီးအသင်း အတွက် ချေပဂိုးနဲ့ အနိုင်ဂိုးတွေကို ပွဲချိန် ၁၇ မိနစ်မှာ ဆန်ချို၊ ပွဲချိန် ၆၁ မိနစ်မှာ ရရှိခဲ့တဲ့ ပင်နယ်တီကို ပါးလ်မာ၊ ပွဲချိန် ၇၃ မိနစ်မှာ အန်ဇိုဖာနန်ဒက်ဇ်နှင့် နောက်ထပ်ပွဲချိန် ၈၄ မိနစ်မှာ ရရှိခဲ့တဲ့ ပင်နယ်တီကို ပါးလ်မာ ကပဲ ထပ်မံသွင်းယူပေးနိုင်ခဲ့တာကြောင့် ချဲလ်ဆီးအသင်းဟာ စပါးအသင်းကို ၄ ဂိုး၊ ၂ ဂိုးနဲ့ ဦးဆောင်နိုင်ခဲ့ပါတယ်။
ပွဲပြီးခါနီ နာကျင်အချိန်ပို ၆ မိနစ်မှာ စပါးအသင်းအတွက် ဆွန်ဟောင်မင် က တစ်ဂိုးထပ်မံသွင်းယူပေးခဲ့တာကြောင့် ပွဲပြီးဆုံးချိန်မှာ ချဲလ်ဆီးအသင်းက အိမ်ရှင်စပါးအသင်း ကို ၄ ဂိုး၊ ၃ ဂိုးဆိုတဲ့ရလဒ်နဲ့အနိုင်ရရှိခဲ့ပါတယ်။
Telegram»…
https://t.me/positiveanglenews