(ပြည်တွင်း) နိုဝင်ဘာ ၂၅
နေပြည်တော်၊ ဇဗ္ဗူသီရိမြို့နယ်၊ ဇေယျာသိဒ္ဓိရပ်ကွက်၊ ညွှန်ကြားရေးမှူးချုပ် အိမ်ယာအတွင်းရှိ ညွှန်ချုပ်အိမ်ရာ ခြံအမှတ် (၅၃၀-A/B) ခြံဝင်းအနောက်ဘက် (၅)ပေခန့်အကွာတွင် ယနေ့နံနက် ၁၀ နာရီ ၃၀ မိနစ်အချိန်ခန့်က Fixed Wing အမျိုးအစား အဖြူရောင် Drone ၁ စင်း ပျက်ကျနေကြောင်း မီးသတ်တာဝန်ရှိသူတစ်ဦး၏ ပြောကြားချက်အရ သိရသည်။
ယနေ့နံနက် ၁၀ နာရီ ၃၀ မိနစ်အချိန်ခန့်က ပန်ကာ ၄ လုံးတပ် တောင်ပံအလျား ၁၃ ပေ၊ ကိုယ်ထည်(အဖြူရောင်)၊ ကိုယ်ထည်အရှည် ၇ ပေ၊ ၄ လက်မခန့်၊ ကိုယ်ထည် ၁၀ လက်မ Fixed Wing အမျိုးအစား အဖြူရောင် Drone ၁ စင်း(ဗုံးသီးမပါ) GPS အား ခဲပတ်ထားသောငွေခွက်ဖြင့် ဖုံးအုပ်ထားသည့် Drone ယာဉ် ၁ စင်းပျက်ကျကြောင်း မီးသတ်တပ်ဖွဲ့ဝင်တစ်ဦးမှ စတင်တွေ့ရှိပြီး သက်ဆိုင်ရာသို့ သတင်းပို့ခဲ့ရာ လုံခြုံရေးတာဝန်ရှိသူများ ရောက်ရှိလာပြီး မိုင်းရှင်းလင်းရေးဆောင်ရွက်ခဲ့ကြောင်း သိရသည်။
အဆိုပါ ပျက်ကျလာသည့် Fixed Wing ကိုယ်ထည်အပိုင်းအစများနှင့် ဆက်စပ်ပစ္စည်းများအား အသေးစိတ်စစ်ဆေးအတည်ပြုနိုင်ရေးအတွက် အမှတ်(၈)လေကြောင်းရန်ကာကွယ်ရေးစစ်ဆင်ရေးကွပ်ကဲမှု ဌာနချုပ် တာဝန်ရှိသူများမှ သယ်ဆောင်သွားခဲ့ကြော်င်း၊ အဆိုပါဖြစ်စဉ်နှင့်ပတ်သက်၍ လူတိရစ္ဆာန်/ပစ္စည်း ပျက်စီးဆုံးရှုံးမှုမရှိကြောင်း သိရသည်။
Telegram»…
https://t.me/positiveanglenews