(ပြည်တွင်း)နိုဝင်ဘာ ၂၀
တနင်္သာရီတိုင်းဒေသကြီး၊ ကော့သောင်းမြို့နယ်၊ အဏ္ဏဝါရပ်ကွက်၊ ဆိပ်ကမ်းသာလမ်း အိမ်အမှတ် အမှတ်(၅၃၇) BIG BOSS ကုန်စုံဈေးဆိုင် အပေါ်ထပ်၌ မီးလောင်ကျွမ်းမှုဖြစ်ပွားခဲ့ကြောင်း သိရသည်။
ယနေ့ မွန်းလွဲ၃နာရီ၄၀ မိနစ် အချိန်တွင် ဦးအေးဝင်း (ဘ)ဦးကျော်ဆွီး ပိုင်ဆိုင်သော BIG BOSS ကုန်စုံဈေးဆိုင် အပေါ်ထပ်၌ မီးလောင်ကျွမ်းမှုဖြစ်ပွားခဲ့ရာ ဖြစ်ပွားသည့်နေရာသို့ ကော့သောင်းခရိုင်/မြို့နယ်မီးသတ်ဦးစီးဌာနမှ မီးသတ်တပ်ဖွဲ့ဝင်များ၊ ခရိုင်/မြို့နယ်စီမံအုပ်ချုပ်ရေးအဖွဲ့မှ တာဝန်ရှိသူများ ၊ကော့သောင်းခရိုင်ရဲတပ်ဖွဲ့မှူးရုံးမှ တပ်ဖွဲ့ဝင်များ၊ ရပ်ကွက်နေပြည်သူများနှင့် စေတနာ့ဝန်ထမ်းများ၊ မီးသတ်ယာဉ် ၄ စီး၊ ရေသယ်ယာဉ် ၄ စီးတို့ဖြင့် ပူးပေါင်းမီးငြှိမ်းသတ်ခဲ့ရာ မွန်းလွဲ၄နာရီ၁၅မိနစ် အချိန်တွင် မီးငြှိမ်းသွားခဲ့ကြောင်း သိရသည်။
အဆိုပါ မီးလောင်မှုကြောင့် လူထိခိုက်သေဆုံးမှုမရှိကြောင်း ၊မီးလောင်မှုဖြစ်စဥ်အား စုံစမ်းစစ်ဆေးလျက်ရှိကြောင်း သိရသည်။
#PAN