(နိုင်ငံတကာ) နိုဝင်ဘာ ၂၀
အမေရိကန်ထောက်ပံ့သည့် တာဝေးပစ်ဒုံးကျည်များဖြင့် ရုရှားပိုင်နက်အတွင်းသို့ ယူကရိန်းက ပထမဆုံးစတင်တိုက်ခိုက်ခဲ့ကြောင်း ရုရှားအစိုးရက ထုတ်ပြန်သည်။
အမေရိကန်သမ္မတ ဘိုင်ဒန်က ခွင့်ပြုချက်ပေးပြီးနောက် တစ်ရက်ကြာတွင် ယခုလိုတိုက်ခိုက်ခဲ့ခြင်းဖြစ်ကြောင်းသိရသည်။
အဆိုပါတိုက်ခိုက်မှုသည် အင်္ဂါနေ့နံနက်တွင် ယူကရိန်းနိုင်ငံမြောက်ပိုင်းနှင့် နယ်နိမိတ်ချင်းထိစပ်နေသော Bryansk ဒေသကို ပစ်မှတ်ထားတိုက်ခိုက်ခဲ့ခြင်းဖြစ်ကြောင်း ရုရှားကာကွယ်ရေးဝန်ကြီးဌာနက ပြောကြားခဲ့သည်။
အမေရိကန်ကာကွယ်ရေးဌာနသတင်းအရင်းမြစ်များ၏ အဆိုအရ ယူကရိန်းမှ ပစ်လွှတ်တိုက်ခိုက်ခဲ့သော ဒုံးကျည် ၈ စင်းအနက် ၂ စင်းကိုသာ ရုရှားက ကြားဖြတ်တိုက်ဟန့်တားနိုင်ခဲ့ကြောင်းပြောဆိုထားသော်လည်း တိကျသည့် အတည်ပြုချက်မရှိကြောင်းသိရသည်။
ရုရှားနိုင်ငံခြားရေးဝန်ကြီး Sergei Lavrov က အမေရိကန်အနေဖြင့် ပဋိပက္ခကို အရှိန်မြှင့်ရန် ကြိုးစားနေသည်ဟု တုန့်ပြန်ခဲ့သည်။
ယူကရန်း၏ တိုက်ခိုက်မှုနှင့်ပတ်သက်ပြီး ထိခိုက်ပျက်စီးမှုနှင့် မည်ကဲ့သို့ တုန့်ပြန်မည်ကို ရုရှားစစ်တပ်မှ ရှင်းလင်းသည့် ထုတ်ပြန်မှုများ မရှိသေးကြောင်းသိရသည်။
Telegram»…
https://t.me/positiveanglenews