မန္တလေးအပြည်ပြည်ဆိုင်ရာလေဆိပ်တွင် ပြည်ပထွက်ခွာခွင့် ပိတ်ပင်ထားသည့် အောင်သမာဓိရွှေဆိုင်ပိုင်ရှင်အား နိုင်ငံကူးလက်မှတ်သိမ်းဆည်းပြီး နေအိမ်သို့ပြန်လည်စေလွတ်

(ပြည်တွင်း)နိုဝင်ဘာ ၃

      မန္တလေးအပြည်ပြည်ဆိုင်ရာလေဆိပ်မှ ထိုင်းနိုင်ငံ၊သုဝဏ္ဏဘူမိလေဆိပ်သို့ လိုက်ပါမည့် ခရီးသည် အောင်သမာဓိရွှေဆိုင်ပိုင်ရှင်အား ပြည်ပထွက်ခွာခွင့်မပြုပဲ နေအိမ်သို့ ပြန်လည်ပို့ဆောင်ခဲ့ကြောင်း သိရသည်။

      ယနေ့ နံနက် ၈နာရီ၁၅မိနစ်အချိန်ခန့်က အပြည်ပြည်ဆိုင်ရာမြန်မာလေကြောင်းလိုင်း၊ လေယာဉ်အမှတ် XY-ALP(E-190)၊ ခရီးစဉ်အမှတ် 8M-337 ဖြင့်(တံတားဦး)ဖြင့် လိုက်ပါမည့် ခရီးသည် ဦးအောင်ဆန်းဝင်း(ခ)ဦးအောင်၊၆၀နှစ်၊(ဘ)ဦးထွန်းရွှေ၊နိုင်ငံကူးလက်မှတ် (MH……….)၊အောင်သမာဓိရွှေဆိုင်ပိုင်ရှင်၊မင်းတဲအီကင်းရပ်ကွက်၊အောင်မြေသာစံမြို့နယ်နေသူသည် နံနက်၇နာရီ၂၅မိနစ်အချိန်ခန့်တွင် မန္တလေးအပြည်ပြည်ဆိုင်ရာလေဆိပ်၊လူဝင်မှုကြီးကြပ် ရေးကောင်တာ၌ စစ်ဆေးမှုခံယူနေစဉ်လူဝင်မှု ကြီးကြပ်ရေးဦးစီးဌာန၏ အမည်မည်းစာရင်း (Black List)ရေးသွင်း၍ ပြည်ပထွက်ခွာမှုတား ဆီးရန် ညွှန်ကြားထားသူဖြစ်သဖြင့် မန္တလေးအပြည်ပြည်ဆိုင်ရာလေဆိပ် တာဝန်ရှိသူများမှ ပြည်ပထွက်ခွာ ခွင့်မပြုဘဲ တားဆီးခဲ့ကြောင်း သိရသည်။

       ၎င်းနောက် ဦးအောင်ဆန်းဝင်း(ခ)ဦးအောင်အား နံနက်၈နာရီ၁၅မိနစ် အချိန်တွင် ​လေဆိပ်လုံခြုံရေးတာဝန်ရှိသူများမှ ခေါ်ယူစစ်ဆေးခဲ့ကာ နိုင်ငံကူးလက် မှတ်အား သိမ်းဆည်းခဲ့ပြီး ၎င်းအားနေအိမ်သို့ ပြန် လည်စေလွှတ်ခဲ့ကြောင်း သတင်းရရှိသည်။

#PAN