(မှုခင်း) နိုဝင်ဘာ ၂

မန္တလေးတိုင်းဒေသကြီး၊ မဟာအောင်မြေမြို့နယ်၊ မဟာမြိုင်(၂)ရပ်ကွက်၊ လမ်း ၆၀၊ ၄၁×၄၂ လမ်းကြားတွင် ယမန်နေ့ည မွန်းလွဲ ၂ နာရီ ၅၀ မိနစ်အချိန်ခန့်က အဆောင်၊ RC ၂ ထပ်၊ အပေါ်ထပ်အခန်းအတွင်း တပ်ဆင်အသုံးပြုထားသည့် နှစ်ပင်လိမ်ဝါယာကြိုးဖြင့် Air Cooler ဖွင့်ထားရာမှ အပူလွန်ကဲပြီး ဝါယာရှော့ဖြစ်ကာ မီးလောင်မှု ဖြစ်ပွားခဲ့ကြောင်း သိရသည်။

မီးလောင်မှုကြောင့် ဦးကျော်ဇော၊(ဘ)ဦးသောင်းစိန် နေထိုင်သေ အခန်းအတွင်းရှိ အဝတ်အစားနှင့် အသုံးအဆောင် ပစ္စည်းအချို့ မီးလောင်ပျက်စီးခဲ့ကြောင်း၊ မီးလောင်ရာ နေရာသို့ မီးသတ်တပ်ဖွဲ့ဝင်များ မီးငြိမ်းသတ်ခဲ့ရကြောင်း သိရသည်။

အလားတူ ယင်းနေ့ည ၉ နာရီခွဲအချိန်ခန့်တွင် ချမ်းမြသာစည်မြို့နယ်၊ (၈၆)လမ်းနှင့် (၈၄)လမ်း ဗိုလ်အိမ်မီးပွိုင့်အနီး (၁၀၄)လမ်းနှင့် ကန်ပတ်လမ်းကြား၊ ကျွန်းလုံးဥသျှောင် ရပ်ကွက်၊ အကွက်အမှတ် (၅၀၁)ရှိ လူနေနှစ်ထပ်အိမ်၌ မီးလောင်မှုဖြစ်ပွားရာ မီးသတ်ယာဉ်အများအပြားဖြင့် ငြှိမ်းသတ်ခဲ့ရကြောင်း မီးသတ်တပ်ဖွဲ့နှင့် ဒေသခံများထံမှ သိရသည်။