(ပြည်တွင်း)နိုဝင်ဘာ ၁
မွန်ပြည်နယ်၊ မော်လမြိုင်မြို့၊ သံလွင်တံတား လုံခြုံရေးဂိတ်အနီး ယမန်နေ့ မွန်းလွဲပိုင်းကသတင်းအရ လုံခြုံရေးတပ်ဖွဲ့များက စစ်ဆေးခဲ့ရာ မြဝတီမြို့ဘက်မှ မောင်းနှင်လာသော Pajero အပြာရောင် ယာဥ်ပေါ်မှ လက်နက်ခဲယမ်းများကို ဖမ်းဆီးရမိခဲ့ကြောင်း သိရသည်။
ယမန်နေ့ မွန်းလွဲ ၁ နာရီ ၅၀ မိနစ်အချိန်ခန့်တွင် တာဝန်သိပြည်သူများ၏ သတင်းပေးပို့မှုအရ လုံခြုံ ရေးရဲတပ်ဖွဲ့က မော်လမြိုင်မြို့၊ သံလွင်တံတား လုံခြုံရေးဂိတ် အနီးတွင် အသင့်စောင့်ဆိုင်းကာ မြဝတီမြို့ဘက်မှ ယာဥ်မောင်း သူရဇော်(ခ)အောင်ကြီး၊(၃၅)နှစ်၊ (ဘ)ဦးထွန်းဇော်၊ ဗမာ/ဗုဒ္ဓ၊ ယာဉ်မောင်း၊ သဲကုန်းကျေးရွာ၊ ပုသိမ် ကြီးမြို့နယ်၊ မန္တလေးတိုင်းဒေသကြီးနေသူ မောင်းနှင်သည့် Pajero အပြာရောင် ယာဥ်ပေါ်မှ AK -47 ၇ လက်၊ MA-1 ၁ လက်၊ AK ကျည်ဘောက် ၇ ခု၊ MA-1 ကျည်ဘောက် ၃ ခု(ဖိုက်ဘာ)၊ ၅.၅၆ ကျည် ၈၈၀ တောင့်၊ ပွိုင့် ၃၈ ကျည် ၂၄ တောင့်၊ ပွိုင့် ၉ မမ ကျည် ၇၀ တောင့် တို့အား ဖမ်းဆီးရမိခဲ့သည်ဟု သိရပါသည်။
အဆိုပါဖမ်းဆီးရမိ တရားခံအား စစ်ဆေးလျက်ရှိပြီး ဆက်စပ်တရားခံများ ဖမ်းဆီးရမိရေး ဆောင်ရွက်လျက်ရှိကြောင်းနှင့် တရားဥပဒေနှင့်အညီ အမှုဖွင့်အရေးယူဆောင်ရွက်သွားမည် ဖြစ် ကြောင်း သတင်းရရှိပါသည်။
#PAN