(ပြည်တွင်း) အောက်တိုဘာ ၃၁

မန္တလေးတိုင်းဒေသကြီး၊ ပြည်ကြီးတံခွန်မြို့နယ်၊ (ဇ)ရပ်ကွက် ၊၅၆×၁၃၃ လမ်းထောင့်ရှိ(ဇ)ရပ်ကွက်အုပ်ချုပ်ရေးရုံးတွင် လက်လုပ်မိုင်း(၁) လုံးပေါက်ကွဲကြောင်း သိရသည်။

ယမန်နေ့ ညနေ ၆ နာရီကျော်အချိန်ခန့်က ကျားစီး ကလပ်ဘီးအမျိုးအစား ဆိုင်ကယ် ၁ စီး၊ အမျိုးသား ၂ ဦးသည် ၁၃၃ လမ်းအတိုင်း အရှေ့မှ အနောက်သို့မောင်းနှင်လာပြီး ဒေသန္တာရလက်လုပ်မိုင်းဖြင့် ပစ်ပေါက်ခဲ့ရာ ပေါက်ကွဲခဲ့ပြီး Caldina အနက်ရောင် YGN/6E-…….. ကားတွင် နောက် ဝဲမှန် ၁ ချပ်၊ ကား window မှန် ၁ ချပ်နှင့် Pajero MDY-12/2H-…….. ခဲဖြူရောင်တွင် ကား ဝဲဘက် Body အနည်းငယ် မိုင်းစထိမှန်၊ နောက် ဝဲ/ယာ ဘီး ၂ ဘီး ပေါက်သွားကြောင်း သိရသည်။

အဆိုပါ မိုင်းပေါက်ကွဲမှုကြောင့် ဒဏ်ရာရရှိသူ ဦးရဲလင်းဦး ၂၉ နှစ်၊ (ဘ)ဦးစိုးဝေ၊ ၁၃၁×၁၃၂ လမ်းကြား၊ ၅၇ လမ်း၊ (ဆ)ရပ်ကွက်နေသူတွင် ဝဲလက်မိုင်းစထိမှန်ဒဏ်ရာနှင့်၊မပြည့်ပြည့်အောင် ၈နှစ်(ဘ)ဦးတင်မိုး၊ နန-၅၀/၅၁၊ ၁၃၃×၅၃ အေ လမ်းထောင့်နေသူတွင် ဝဲလက်မိုင်းစထိမှန်ဒဏ်ရာရရှိသူတို့အား လောကပါလ လူမှုကူညီမှုအသင်းယာဥ်ဖြင့် မန္တလေးပြည်သူ့ဆေးရုံကြီးသို့ ပို့ဆောင်လျက်ရှိကြောင်း သိရသည်။

အထက်ပါ ကျူးလွန်သူ တရားခံများအား ဖမ်းဆီးရရှိရေး အတွက် လုံခြုံရေးပူးပေါင်းအဖွဲ့မှ ပတ်ဝန်းကျင်တွင် CCTVကြည့်ရှု့ခြင်းပိတ်ဆို့ရှာဖွေခြင်းများ ပြုလုပ်လျက်ရှိကြောင်း သတင်းရရှိသည်။