(ပြည်တွင်း) အောက်တိုဘာ ၃၁
နိုင်ငံတကာဆက်ဆံရေး ပညာရပ်ကို အချိန်ပိုင်းသင်ကြားလိုသူများအတွက် YUFL မှ Diploma in International Relations (DIR)ဒီပလိုမာသင်တန်းကို ၂၀၂၄ ခုနှစ်၊ နိုဝင်ဘာလ ၂၁ ရက်တွင် စတင်ဖွင့်လှစ်သင်ကြားပေးမှာဖြစ်ပြီး ၂၀၂၅ ခုနှစ်၊ စက်တင်ဘာလ ၃၀ ရက်အထိ တက်ရောက်ရပါမည်ဖြစ်ကြောင်း သိရပါတယ်။
သင်တန်းတက်ရောက်လိုသူများအနေနဲ့ နိုဝင်ဘာလ ၁ ရက်မှစတင်ပြီး YUFL ကျောင်းသားရေးရာဌာနတွင် လျှောက်လွှာပုံစံကို ထုတ်ယူ၍ နိုဝင်ဘာလ ၁၃ ရက်အထိ လျှောက်ထားနိုင်ကြောင်း သိရပါတယ်။
သင်တန်းဝင်ခွင့်အတွက် ရေးဖြေစာမေးပွဲ ဖြေဆိုရမှာဖြစ်ပြီး စာမေးပွဲအောင်မှသာ သင်တန်းကြေးပေးသွင်းပြီး တက်ရောက်နိုင်မှာဖြစ်ပါတယ်။ ရေးဖြေ စာမေးပွဲဖြေဆို ရမည့်ရက်မှာ နိုဝင်ဘာလ ၁၈ ရက်ဖြစ်ပြီး အောင်စာရင်းကိုတော့ နိုဝင်ဘာလ ၂၀ ရက်မှာ ထုတ်ပြန် ကြေညာပေးမှာဖြစ်ပါတယ်။
သင်တန်းကို တစ်ပတ် ၅ ရက်၊ တနင်္လာနေ့မှ သောကြောနေ့၊ နံနက် ၇ နာရီမှ ၉ နာရီအထိ တက်ရောက်ရမှာ ဖြစ်ပြီး၊ ဒါ့အပြင် Semester ၂ ခု ရှိမှာဖြစ်ပြီး Semester ၁ ခုကို ၁၆ ပတ် ကြာမြင့်မှာဖြစ်ပါတယ်။
သင်တန်းကြေး အနေနဲ့ Semester ၂ ခုပေါင်းကို မြန်မာငွေ နှစ်သိန်းကျပ် ပေးသွင်းရမှာဖြစ်ပါတယ်။ အဆိုပါသင်တန်းသို့ သင်ကြားတက်ရောက်လိုသူများအနေနဲ့ ပြည်ထောင်စုမြန်မာနိုင်ငံသားဖြစ်ပြီး နိုင်ငံတော်က အသိအမှတ်ပြုတဲ့ ဘွဲ့တစ်ခုရရှိပြီးသူဖြစ်ရပါမည်။
ဘွဲ့လက်မှတ် မူရင်းနှင့် မိတ္တူ၊ နိုင်ငံသားစိစစ်ရေးကတ်ပြားမူရင်းနှင့် မိတ္တူ၊ ပတ်စပို့ဓာတ်ပုံ ၃ ပုံတို့ကို လိုအပ်ပါတယ်။ ဒါ့အပြင် လျှောက်ထားသူ သင်တန်းသားဦးရေ ၂၀ ဦးထက်လျော့နည်းပါက သင်တန်းဖွင့်လှစ်မည် မဟုတ်ကြောင်း သိရပြီး သင်တန်းနှင့်ပတ်သတ်သည့် အသေးစိတ်အချက်အလက်များကို ဖုန်း ၀၁-၇၅၁၃၁၉၀ သို့ ရုံးချိန်အတွင်း ဆက်သွယ်မေးမြန်းနိုင်ပါတယ်။
Telegram»…
https://t.me/positiveanglenews