(ပြည်တွင်း) အောက်တိုဘာ ၂၅
မြန်မာနိုင်ငံနှင့် အိန္ဒိယနိုင်ငံတို့အကြား မြန်ဆန်စွာအကျိုးဖြစ်ထွန်းစေမည့် စီမံကိန်းများ (Quick Impact Projects-QIPs) အကောင်အထည်ဖော်ရန်အတွက် နားလည်မှုစာချွန်လွှာ ၅ ခုကို အောက်တိုဘာလ ၂၄ ရက် ညနေပိုင်းက လက်မှတ်ရေးထိုးခဲ့ကြပြီး နစကဥက္ကဋ္ဌ နိုင်ငံတော်ဝန်ကြီးချုပ် ဗိုလ်ချုပ်မှူးကြီး မင်းအောင်လှိုင် ရဲ့ ရှေ့မှောက်တွင် နားလည်မှုစာချွန်လွှာလဲလှယ်ခြင်း အခမ်းအနားကို ကျင်းပခဲ့တယ်လို့ သိရပါတယ်။
အဆိုပါ နားလည်မှုစာချွန်လွှာများတွင် ဒစ်ဂျစ်တယ်မှုခင်းသိပ္ပံ ဓာတ်ခွဲခန်းအဆင့်မြှင့်တင်ခြင်း၊ အုပ်ချုပ်ရေး ပညာဖွံ့ဖြိုးမှုသင်တန်းကျောင်းအတွက် သင်ထောက်ကူ ပစ္စည်းများ ထောက်ပံ့ခြင်း၊ အပူပိုင်းဒေသ မိုးခေါင်ရေရှား ကျေးရွာများမှာ ဆိုလာစွမ်းအင်သုံး ရေထောက်ပံ့ရေးလုပ်ငန်းများ၊ ရန်ကုန်နည်းပညာတက္ကသိုလ်တွင် အသိဉာဏ်တု ဓာတ်ခွဲခန်းတည်ဆောက်ခြင်းနှင့် ကျေးလက်ဒေသဖွံ့ဖြိုးရေးအတွက် စိုက်ပျိုးရေးစွန့်ပစ်ပစ္စည်းများမှ လောင်စာ ထုတ်လုပ်ခြင်းဆိုင်ရာ သုတေသနစီမံကိန်းများ ပါဝင်ခဲ့ပါတယ်။
အဆိုပါ နားလည်မှုစာချွန်လွှာများအား မြန်မာနိုင်ငံရှိ သက်ဆိုင်ရာဝန်ကြီးဌာနများမှ တာဝန်ရှိသူများနှင့် အိန္ဒိယနိုင်ငံသံရုံး ဒုတိယအကြီးအကဲတို့က ရင်းနှီးမြှုပ်နှံမှုနှင့်နိုင်ငံခြားစီးပွားဆက်သွယ်ရေးဝန်ကြီးဌာန ပြည်ထောင်စု ဝန်ကြီး ဒေါက်တာကံဇော်နှင့် မြန်မာနိုင်ငံဆိုင်ရာ အိန္ဒိယနိုင်ငံသံအမတ်ကြီး H.E. Mr. Abhay Thakur တို့ကို သက်သေထားကာ လက်မှတ်ရေးထိုးခဲ့ကြခြင်း ဖြစ်ပါတယ်။
Telegram»…
https://t.me/positiveanglenews