(ပြည်တွင်း) အောက်တိုဘာ ၂၁
စစ်ကိုင်းတိုင်းဒေသကြီး၊ ပုလဲမြို့နယ်အတွင်းအခြေစိုက်သည့် ပုလဲနဂါး ဦးဆောင်သော BNRA တပ်မှ တပ်ခွဲမှူး၊ PDF များနှင့် ထောက်ပို့များအား ရွှေဘို PDF မှဖမ်းဆီးလိုက်ကြောင်း သိရသည်။
ခင်ဦးမြို့နယ်၊ ကံသာယာကျေးရွာတွင် အခြေပြုသော ပုလဲနဂါး ဦးစီးသည့် BNRA ၏ တပ်ရင်း ၅ ၊ တပ်ခွဲ ၃ မှ တပ်ခွဲမှူး မျိုးလှိုင်ဝင်းအပါအဝင် PDF ၂၂ ဦး နှင့် ထောက်ပို့ ၁၄ ဦးကို NUG လက်အောက်ခံ MOD ၏ ရွှေဘိုခရိုင် တပ်ရင်း ၃ မှအောက်တိုဘာ ၁၈ ရက်နေ့ ညပိုင်း၌ ကံသာယာကျေးရွာတွင် ဖမ်းဆီးသွားခဲ့သည်ဟု သိရသည်။
ဖမ်းဆီးခံရသူများနှင့်အတူ ပါရီ ၃ လက်၊ Ak ၁ လက်၊ မိုင်း ၁၀ လုံးပါ ပါသွားသည်ဟုလည်း ဒေသခံများ၏ပြောဆိုချက်အရ သိရသည်။
“ပုလဲနဂါးရဲ့ BNRA တပ်ခွဲ ၃ က ရွာထဲမှာ ကျဆုံးရဲဘော်တွေအတွက် အထိမ်းအမှတ်အနေနဲ့ အဲဒီနေ့ ည ၇ နာရီလောက်မှာ သေနတ်ပစ်ဖောက်ခဲ့တယ်။ ရွာထဲမှာ သေနတ်ဖေါက်ဖို့ အကြောင်းမကြားထားတဲ့ အတွက် MOD ခရိုင် တပ်ရင်းဂိတ်ဘက်ကနေ ရဲဘော် ၂ ဦး လာရောက်မေးမြန်းတယ်။ အဲဒီနောက်ပိုင်းမှာ ရွှေဘိုခရိုင်တပ်ရင်း ဘက်ကနေ အင်အား ၁၀၀ လောက်နဲ့ BNRA တပ်ဖွဲ့ဝင်တွေကို လာရောက်ဖမ်းဆီးသွားတာပဲ” ဟု ဒေသခံတစ်ဦးမှပြောသည်။
Telegram»…
https://t.me/positiveanglenews