(ပြည်တွင်း) အောက်တိုဘာ ၃
မန္တလေးတိုင်းဒေသကြီး၊ ငါန်းဇွန်မြို့နယ်၊ သရက်ချိုပင်ကျေးရွာအုပ်စု၊ လက်ပံသာကျေးရွာတွင် ယမန်နေ့ ညနေ ၅ နာရီခွဲအချိန်ခန့်က ပြည်ခိုင်ဖြိုးပါတီဝင် တစ်ဦးနှင့် ဝန်းရံသူတစ်ဦးအား အကြမ်းဖက် PDF အဖွဲ့ ဖမ်းဆီးသတ်ဖြတ်သွားကြောင်း သိရသည်။
ဖြစ်စဥ်မှာ လက်ပံသာကျေးရွာနေ ဦးလှကျော်၊ အသက် ၆၅ နှစ်၊(ဘ)ဦးကြည်မောင်နှင့် ဦးလှငွေ၊ အသက် ၆၀ နှစ်၊ (ဘ)ဦးကြည်မောင်တို့ ညီအစ်ကို ၂ ဦး နေအိမ်၌ရှိနေစဥ် အကြမ်းဖက် PDF များရောက်ရှိလာပြီး သေနတ်ဖြင့်ပစ်ခတ်ခဲ့ရာ ဦးလှငွေမှာ သေနတ်ထိမှန်ဒဏ်ရာဖြင့် အခင်းဖြစ်နေရာတွင် သေဆုံးသွားခဲ့ပြီး အစ်ကိုဖြစ်သူ ဦးလှကျော်အား အကြမ်းဖက် PDF အဖွဲ့မှ ဖမ်းဆီးခေါ်ဆောင်သွားကြောင်း ဒေသခံများ၏ပြောကြားချက်အရ သိရသည်။
သေဆုံးသူ ဦးလှငွေမှာ(ပြည်ခိုင်ဖြိုးပါတီ ရပ်ကျေးကော်မတီဝင်)ဖြစ်ပြီး ဦးလှကျော်မှာ ပါတီဝန်းရံအားပေးသူဖြစ်ကြောင်း၊ နယ်မြေဒေသ လုံခြုံရေးအခြေအနေ မကောင်း သဖြင့် လုံခြုံရေးတာဝန်ရှိသူများမှ အခင်းဖြစ်ကျေးရွာသို့ သွားရောက်နိုင်ခြင်းမရှိကြောင်း၊ အကြမ်းဖက် PDF များက ငါန်းဇွန်မြို့နယ်အနောက်ခြမ်း၌ အစိမ်းရောင် ရှင်းလင်းရေး ဟူသောခေါင်းစဉ်ဖြင့် ပြည်ခိုင်ဖြိုးပါတီဝင်များကို ရှင်းလင်းသတ်ဖြတ်နေကြောင်း ဒေသခံများ၏ သတင်းပေးပို့မှုအရ သိရသည်။
Telegram»…
https://t.me/positiveanglenews