(ပြည်တွင်း)စက်တင်ဘာ ၂၂
နေပြည်တော်၊ ပုဗ္ဗသီရိမြို့နယ်၊ ဗုဒ္ဓဂါယာလမ်း၊ မိုင်တိုင်အမှတ် (၃/၇)၊ သပြေစမ်းကျေးရွာအနီးတွင် ယနေ့ နေ့လည်ပိုင်းက ဆီဘောက်ဆာယာဉ် (၁)စီး တိမ်းမှောက်မှုဖြစ်ပွားကြောင်းသိရသည်။
ယာဥ်တိမ်းမှောက်သည့်နေရာသို့ ပုဗ္ဗသီရိမြို့နယ်မီးသတ်စခန်းမှ ရှာဖွေကယ်ဆယ်ရေးတပ်ဖွဲ့ဝင်များဖြင့် ကယ်ဆယ်ရေးလုပ်ငန်းများ ဆောင်ရွက်ခြင်းနှင့် မီးလောင်မှုမဖြစ်ပွားစေရေး အအေးပေးခြင်းလုပ်ငန်းများ ဆောင်ရွက်ခဲ့ရကြောင်း သိရသည်။
အဆိုပါ ယာဉ်တိမ်းမှောက်မှုကြောင့် ယာဥ်မောင်း ကျား (၁) ဦး (သေဆုံး)နှင့် ယာဉ်နောက်လိုက် ကျား(၁)ဦး ထိခိုက်ဒဏ်ရာရရှိခဲ့သဖြင့် သဗသုခပရဟိတအသင်းမှယာဉ်ဖြင့် နေပြည်တော်ကုတင် ၁၀၀၀ ဆေးရုံသို့ ကူညီပို့ဆောင်ပေးခဲ့ထားကြောင်း သိရသည်။
ယင်းလမ်းပိုင်းသည် ကားကြီးများ မောင်းနေကျလမ်းမဟုတ်ကြောင်း၊ရေဘေးကြောင့် ရန်-မန်းလမ်းပိုင်း ပျဉ်းမနား-ကင်းသာ-တပ်ကုန်းကြားကို ရှောင်ကွင်းမောင်းရကြောင်း၊ ပုဗ္ဗသီရိမြို့နယ်မှ တပ်ကုန်းမြို့နယ်မြောက်ဘက် Toll gate ကို ဖြတ်ရကာ လမ်းအကွေ့ကောက်တက်ဆင်းများပြီး ဖြေးဖြေးမောင်းကြစေချင်ကြောင်း ဒေသခံများ၏ သတိပေးပြောကြားချက်အရသိရသည်။
#PAN
