(နိုင်ငံတကာ)စက်တင်ဘာ ၂၀
ဆောင်းဦးရာသီ အားလပ်ရက်အတွင်း ခရီးသွားနှင့် သုံးစွဲမှု မြင့်တက်လာမှုတို့ကြောင့် တရုတ်စီးပွား ရေးသည် တည်ငြိမ်လာခဲ့ကြောင်း Guangming Daily က ဗုဒ္ဓဟူးနေ့တွင် ဖော်ပြခဲ့သည်။
စက်တင်ဘာ ၁၅ ရက်မှ ၁၇ ရက်အထိ ပွဲတော်ကာလအတွင်း တရုတ်နိုင်ငံ၏ သယ်ယူ ပို့ဆောင်ရေးကဏ္ဍများမှ ခရီးသည် ၆၂၉.၅၆ သန်းခန့်ကို ပို့ဆောင်ပေးခဲ့ပြီး တစ်နှစ်ထက်တစ်နှစ် ၃၁.၁ ရာခိုင်နှုန်း မြင့်တက်လာခဲ့ကြောင်း ပို့ဆောင်ရေး ဝန်ကြီးဌာန၏ အချက်အလက်များအရ သိရသည်။
မီးရထား ခရီးစဉ် စုစုပေါင်း ၄၂.၅၇ သန်း၊ ရေလမ်း ၁.၉၈ သန်းနှင့် မြို့ပြလေကြောင်း ခရီးစဉ်ပေါင်း ၅.၀၇ သန်းကို ဆောင်ရွက်နိုင်ခဲ့သည်။
အားလပ်ရက်အတွင်း ပြည်တွင်းခရီးသွား လည် ပတ်မှု ၁၀၇ သန်းခန့်ရရှိခဲ့ပြီး စုစုပေါင်း ခရီးသွား အသုံးစရိတ်မှာ ယွမ် ၅၁.၀၅ ဘီလီယံရှိခဲ့ကြောင်း ယဉ်ကျေးမှုနှင့် ခရီးသွားလာရေး ဝန်ကြီးဌာနမှ သိရသည်။တစ်ချိန်တည်းတွင် နေ့ချင်းပြန်ပို့ဆောင်ရေးကဏ္ဍမှ ပါဆယ်ထုပ်ပေါင်း ၁.၃၁ ဘီလီယံနှင့် ၁.၄၁ ဘီလီယံ အသီးသီး စုဆောင်းပေးပို့နိုင်ခဲ့ကြောင်း china daily အရသိရသည်။
#PAN
AMK