(ပြည်တွင်း) စက်တင်ဘာ ၁၀
ပြည်ပနိုင်ငံများမှာ သွားရောက်အလုပ်လုပ် ကိုင်နေတဲ့ အလုပ်သမားများရဲ့ မိသားစုလွှဲပို့ငွေ အထောက် အထား တင်ပြနိုင်ခြင်း မရှိတဲ့ ပြည်ပအလုပ်အကိုင်ရှာဖွေရေး အေဂျင်စီ ၅၀ ကို ထပ်မံသတိပေးကြောင်း အလုပ်သမား ညွှန်ကြားရေးဦးစီးဌာနက ထုတ်ပြန်ထားပါတယ်။
အေဂျင်စီများအနေနဲ့ သြဂုတ်လအတွက် စေလွှတ်တဲ့ အလုပ်သမားစာရင်း လချုပ်ကို ပေးပို့ခြင်း မရှိသေးတဲ့ အတွက် ပေးပို့ရန်ပျက်ကွက်ပါက စေလွှတ်ခွင့် ဆိုင်းငံ့မည့်အပြင် ဒဏ်ကြေးပါပေးဆောင်ရမည် ဖြစ်တယ်လို့ သတိပေး ထုတ်ပြန်ထားပါတယ်။
လက်ရှိမှာ အလုပ်သမားညွှန်ကြားရေးဦးစီး ဌာနအနေနဲ့ မိသားစုလွှဲပို့ငွေစာရင်း စစ်ဆေးခံရန် ပျက် ကွက်တဲ့ အေဂျင်စီ ၈ ခု၊ အထောက်အထားတင်ပြနိုင်ခြင်းမရှိတဲ့ အေဂျင်စီ ၇၁ ခုနှင့်သတ် မှတ်ရာခိုင်နှုန်း ပြည့်မီစွာ အထောက်အထား မတင်ပြနိုင်တဲ့ အေဂျင်စီ ၆၇ ခု စုစုပေါင်း အေဂျင်စီ ၁၄၆ ခုကို အရေးယူဆောင်ရွက်ထားတယ်လို့ သိရပါတယ်။
အေဂျင်စီမှ စေလွှတ်ခဲ့တဲ့ အလုပ်သမားများအနေနဲ့ လုပ်ခလစာရဲ့ အနည်းဆုံး ၂၅% ကို တစ်လလျှင်တစ်ကြိမ် (သို့) ၃ လလျှင် ၁ ကြိမ် တရား ဝင်ငွေလွှဲလမ်းကြောင်းမှ လွှဲပြောင်းခြင်းမရှိပါက အရေးယူဆောင်ရွက်သွားမည် ဖြစ်ကြောင်း အလုပ်သမားဝန်ကြီးဌာနက ဩဂုတ်လ ၂၈ ရက်စွဲနဲ့ ကြေညာချက်ထုတ်ပြန်ခဲ့တာ ဖြစ်ပါတယ်။
ဒါ့အပြင် ပြည်ပအလုပ်အကိုင်အကျိုးဆောင် လိုင်စင်ရအေဂျင်စီများက မိမိတို့စေလွှတ်ခဲ့တဲ့ အလုပ်သမားများ ရဲ့ ငွေလွှဲပို့ရေး လွယ်ကူ၊ မှန်ကန်၊ မြန်ဆန်စေရေး ကူညီပေးရမယ့်အပြင် ငွေလွှဲအထောက်အထား မိတ္တူများရယူ၍ လစဉ်လွှဲပို့တဲ့ အထောက်အထားများကို လချုပ်အဖြစ် အလုပ်သမားဝန်ကြီးဌာနသို့ မပျက်မကွက် တင်ပြရမယ်လို့ အသိ ပေးထားပါတယ်။
အရေးယူခံရတဲ့ အေဂျင်စီများအနေနဲ့ အလုပ် သမားများရဲ့ မိသားစုလွှဲပို့ငွေစာရင်း အထောက် အထား တင်ပြနိုင်မှု ရာခိုင်နှုန်းပြည့်မီမှသာ စေလွှတ်ရေးလုပ်ငန်းစဉ်နှင့် အလုပ်ခေါ်စာ အသစ်တင်ပြခွင့်ကို ဆက်လက်ခွင့်ပြု ပေးသွားမယ်လို့ သိရပါတယ်။
#PAN