(ပြည်တွင်း)စက်တင်ဘာ ၅
မန္တလေးတိုင်းဒေသကြီး၊ တောင်သာမြို့နယ်၊ ပုဒက်စာကုန်းကျေးရွာရှိ ပြည်သူ့စစ်(ဌာနေ)အဖွဲ့အား ယနေ့နံနက် ၆ နာရီ ၁၅ မိနစ်အချိန်ခန့်က အကြမ်းဖက် PDF များက ကျေးရွာ၏ အရှေ့ဘက်၊တောင်ဘက်၊မြောက်ဘက်တို့မှ ၃နေရာခွဲ၍ လာရောက်တိုက်ခိုက်ခဲ့ကြောင်း သိရသည်။
အဆိုပါ အကြမ်းဖက်PDFများ၏ တိုက်ခိုက်မှုအား ပုဒက်စာကုန်းကျေးရွာရှိ ပြည် သူ့စစ်(ဌာနေ)အဖွဲ့ဝင်များက ပြန် လည်ခုခံ တိုက်ခိုက်ခဲ့ပြီး အင်အားချင်းမမျှသဖြင့် ကျေးရွာ၏ အနောက်ဘက်သို့ ဆုတ်ခွာခဲ့ပြီး ထနောင်းကုန်းကျေးရွာ၊ပြည်သူ့ စစ်(ဌာနေ)အဖွဲ့ထံ သွားရောက်ပူးပေါင်းခဲ့ရကြောင်း သိရသည်။
အကြမ်းဖက် PDF များသည် ပုဒက်စာကုန်းကျေးရွာအတွင်း ဝင်ရောက်ကာ လူနေအိမ် ၆ လုံးအား မီးရှို့ဖျက်ဆီးခဲ့ပြီး ဆိုင်ကယ် ၃၅ စီးခန့်အား ယူဆောင်ကာ ပုဒတ်စာကုန်းကျေးရွာ၏ မြောက်ဘက် ၄ မိုင်ခန့်အကွာရှိ တောင်သာမြို့နယ်၊ နတ်စောင့်ကျေးရွာဘက်သို့ ထွက်ပြေးသွားခဲ့ကြောင်း သိရသည်။
ဖြစ်စဥ်တွင် အကြမ်းဖက် PDF များ၏ ပစ်ခတ်မှုကြောင့် ပုဒတ်စာကုန်းကျေးရွာနေ ဦးဝင်းရှိန်၊ အသက် ၇၀ နှစ်တွင် ဝဲဘက်နောက်ကျောမှ ဝမ်းဗိုက် ဖောက်ဝင် ဒဏ်ရာ ၁ ချက် (စိုးရိမ်ရ)ရရှိခဲ့ပြီး တောင်သာမြို့ ပြည်သူ့ဆေးရုံသို့ တင်ပို့ကုသထားကြောင်း သိရသည်။
Telegram»…
https://t.me/positiveanglenews