(မှုခင်း) စက်တင်ဘာ ၂
ရှမ်းပြည်နယ်(အရှေ့ပိုင်း)မိုင်းဖြတ်မြို့နယ်၊ နမ့်လန်းကျေးရွာအုပ်စု၊ ဖားပေ့ကျေးရွာတွင်နေထိုင်သည့် အမျိုးသားတစ်ဦးမှာ ဆိုင်ကယ်တိမ်းမှောက်မှုကြောင့် သေဆုံးသွားကြောင်းသိရသည်။
ဦးဂျိုးဇက် အမည်ရှိ အသက်(၄၅)နှစ်အရွယ် အဆိုပါအမျိုးသားသည် စက်တင်ဘာ ၁ ရက်နေ့ နံနက် ၆ နာရီချိန်ခန့်တွင် မိုင်းဖြတ်မြို့နယ် အထွေထွေအုပ်ချုပ်ရေး ဦးစီးဋ္ဌာန နှင့်EPC ရုံး လမ်းဆုံ၌ ဆိုင်ကယ်တိမ်းမှောက်ပြီး သေဆုံးသွားခြင်းဖြစ်ကြောင်း သိရသည်။
“နောက်ကနေ ကာနဲ့တိုက်ခံရတယ်လို့ပြောတယ်ဗျ ခုတော့ ရဲလုပ်ထုံးလုပ်နည်းနဲ့ သံသယတွေကိုတော့စစ်နေတာရှိတယ်။ အတိအကျတော့ပြောလို့မရသေးဘူး” ဟု ၎င်းနှင့်နီးစပ်သည့်အသိုင်းအဝိုင်းကပြောသည်။
အဆိုပါကွယ်လွန်သူ၏ ရုပ်အလောင်းအား မိုင်းဖြတ်လူမှုကူညီရေးအသင်းမှ မြို့နယ်ပြည်သူ့ဆေးရုံသို့ ရင်ခွဲရုံသို့ ပို့ဆောင်ပေးခဲ့ကြောင်း သိရသည်။
ယင်းအခင်းဖြစ်မှုတွင် ပါဝင်ပတ်သက်သည်ဟု သံသယရှိသည့် မော်တော်ယာဥ်နှင့် ပိုင်ရှင်ဖြစ်သူကို မြို့မရဲစခန်းက ခေါ်ယူစစ်ဆေးနေပြီး ဥပဒေအရအမှုဖွင့်နိုင်ရေး ဆောင်ရွက်ချက်ရှိကြောင်းသိရသည်။
Telegram»…
https://t.me/positiveanglenews