(နိုင်ငံတကာ) ဩဂုတ် ၂၀
ပြီးခဲ့သည့် စနေနေ့ညပိုင်းက ဂျာမဏီနိုင်ငံရှိ ဂီတပွဲတော်တစ်ခုတွင် ချားရဟတ်တစ်စင်း မီးလောင်မှုဖြစ်ပွားခဲ့ပြီး လူ ၂၀ ကျော် ဒဏ်ရာရရှိခဲ့ကြောင်းသိရသည်။
လူမှုကွန်ယက်တွင် ထွက်ပေါ်လာသည့် သတင်းများအရ ဂျာမဏီနိုင်ငံ လိုင်ပ်ဇစ်မြို့ရှိ Highfield ပွဲတော်တွင် မီးလောင်ကျွမ်းနေသော ချားရဟတ်တစ်စင်းမှ အချို့သော ရဟတ်အတွဲများ မီးလောင်ကျွမ်းနေသည်ကို မြင်တွေ့ခဲ့ရပြီး Saxony ရဲတပ်ဖွဲ့၏ အတည်ပြုချက်အရ ည ၉ နာရီဝန်းကျင်တွင် ဖြစ်ပွားခဲ့ကြောင်း အတည်ပြုနိုင်ခဲ့သည်။
ဖြစ်စဉ်တွင် လူ ၁၈ ဦးမှာ မီးခိုးမွှန်ခြင်း အမြင့်မှ ပြုတ်ကျခြင်းဖြင့် ဆေးရုံသို့ ပို့ဆောင်ကုသနေရပြီး ရဲအရာရှိအချို့လည်း ထိခိုက်မှုရှိခဲ့ကြောင်းသိရသည်။
မီးလောင်ကျွမ်းမှုဖြစ်ပွားနေချိန်တွင် ဂျာမန်နာမည်ကြီး ရက်ပ်အဆိုတော် Ski Aggu မှာ သီဆိုဖျော်ဖြေနေပြီး အဆိုပါဖြစ်စဉ်နှင့်ပတ်သက်ပြီး တုန်လှုပ်မိကြောင်း Ski Aggu က ၎င်း၏ အင်စတာဂရမ်စာမျက်နှာတွင် ရေးသားဖော်ပြခဲ့သည်။
Telegram»…
https://t.me/positiveanglenews