(နိုင်ငံတကာ) သြဂုတ် ၁၉
ထိုင်းဘုရင် မဟာဝီဇာရာ လောင်ကွန်း က ပီထုန်ထန် ရှင်နာဝပ် ကို ထိုင်းနိုင်ငံ၏ဝန်ကြီးချုပ်အဖြစ် ခန့်အပ် ကြောင်း အောက်လွှတ်တော် အတွင်းရေးမှူးချုပ် အာပတ်ဆူခါနွန့် က ဩဂုတ်လ ၁၈ ရက်တွင် ထုတ်ပြန်ကြေညာ သည်။ ဖူထိုင်းပါတီဌာနချုပ်၌ ကျင်းပသောအခမ်းအနားတွင် အာပတ်ဆူခါနွန့် က ဘုရင်၏ဝန်ကြီးချုပ်ခန့်အပ်မှု အမိန့်လွှာကို ဖတ်ကြားခြင်းဖြစ်သည်။ ထိုသို့ ဘုရင်၏အမိန့်ကြောင့် အသက် ၃၇ နှစ်သာ ရှိသေးသည့် ပီထုန်ထန် ရှင်နာဝပ် သည် ထိုင်းနိုင်ငံ၏ ၃၁ ဆက်မြောက်နှင့် ဒုတိယမြောက် အမျိုးသမီးဝန်ကြီးချုပ် ဖြစ်လာခဲ့သည်။
ထို့နောက် ပီထုန်ထန် ရှင်နာဝပ် က ၎င်းအနေဖြင့် ကျန်ရှိနေသော လွှတ်တော်သက်တမ်းသုံးနှစ်အတွင်း ဥပဒေပြုရေးအဖွဲ့နှင့်ပူးပေါင်းကာ ထိုင်းနိုင်ငံကို အတားအဆီးမရှိ ဆက်လက်ဖွံ့ဖြိုးတိုးတက်စေရေး ရည်မှန်းချက် အတွက် အတွေးအမြင်သဘောထားများကိုနားထောင်သွားမည်ဟု ပြောသည်။ ထို့ပြင် ၎င်းသည် ဝန်ကြီးချုပ် ဟောင်း ဆယ်ထထာ ဝီဆင် အစိုးရအဖွဲ့ က ချမှတ်ခဲ့သော မူဝါဒများကို ဆက်လက် အကောင်အထည်ဖော်သွား မည်ဖြစ်ကာ တရုတ်နိုင်ငံနှင့်ဆက်ဆံရေးကို ပိုမိုခိုင်မာအောင်တည်ဆောက်သွားမည်ဟု ဆင်ဟွာသတင်းဌာန ဖော်ပြချက်အရ သိရသည်။
#PAN
