(အားကစား) ဩဂုတ် ၁၉
ဧရာဝတီတိုင်းဒေသကြီး၊ ပုသိမ်ခရိုင်၊ ပုသိမ်မြို့နယ်၊ ချောင်းသာမြို့တွင် ဩဂုတ်လ ၁၆ ရက်နေ့ စတင်ပြီး မြို့အုပ်ချုပ်ရေးမှူး ဖလား ဘောလုံးပြိုင်ပွဲ ကျင်းပလျက်ရှိကြောင်း သတင်းရရှိသည်။
အဆိုပါ မြို့အုပ်ချုပ်ရေးမှူး ဖလား ဘောလုံးပြိုင်ပွဲကို ဩဂုတ်လ ၁၆ ရက်နေ့မှ ၂၅ ရက်နေ့အထိကျင်းပသွားမှာဖြစ်ပြီး အမှတ် ၁ ၊ ၂ ၊ ၃ ရပ်ကွက်နှင့် ကံကြီးကျေးရွာအုပ်စု များမှဘောလုံးအသင်းများပါဝင်ယှဉ်ပြိုင်ကြပြီး အသင်းစုစုပေါင်း ၁၃ သင်းဝင်ရောက်ယှဉ်ပြိုင်လျက်ရှိကြောင်း သိရှိရသည်။
အဆိုပါပြိုင်ပွဲတွင် ပထမဆု ၅ သိန်းကျပ်၊ ဒုတိယဆု ၃ သိန်းကျပ်၊ တတိယဆု ၂ သိန်းကျပ်တို့ချီးမြှင့်သွားမှာဖြစ်ပြီး ဩဂုတ်လ ၂၅ ရက်နေ့တွင် ဗိုလ်လုပွဲနှင့် ဆုပေးပွဲကို ကျင်ပပြုလုပ်သွားမှာဖြစ်ကြောင်းသိရှိရပြီး ချောင်းသာမြို့သည် အေးချမ်းတည်ငြိမ်လျက်ရှိပြီး အများပြည်သူ စိတ်ချမ်းသာမှုရရှိစေရန်နှင့် ကျန်းမာကြံ့ခိုင်မှုရှိစေရန်အတွက် ပျော်ပွဲရွှင်ပွဲများကိုပြုလုပ်ပေးလျက်ရှိကြောင်း သတင်းရရှိသည်။
Telegram»…
https://t.me/positiveanglenews