(ပြည်တွင်း)ဩဂုတ် ၁၆
ရန်ကုန်တိုင်းဒေသကြီး၊လှိုင်သာယာ(န)ပိုင်းမြို့နယ်| ၂၀ ရပ်ကွက်| ဗိုလ်တေဇပတ်လမ်းနှင့် ငွေလမင်းလမ်းထောင့်တွင် ယနေ့မွန်းတည့်၁၂နာရီခွဲအချိန်ခန့်က အမှတ် ၂၀ ရပ်ကွက် အုပ်ချုပ်ရေးမှူးအား အရပ်ဝတ်ဖြင့် လူ ၅ ဦးခန့်မှ သေနတ်ဖြင့် ဝင်ရောက် ပစ်ခတ်မှုဖြစ်ပွားခဲ့ကြောင်း သိရသည်။
![](https://positiveanglenews.com/storage/2024/08/IMG-31e1a177c1cf88a3c0b17ebaa5c747bb-V.jpg)
အမှတ် ၂၀ ရပ်ကွက် အုပ်ချုပ်ရေးမှူး ဦးသန့်ဇင်သည် ၎င်းဇနီးဖြစ်သူနှင့်အတူ နေအိမ်ရှေ့ ခုံတွင်ထိုင်နေကြစဥ် အရပ်ဝတ်ဖြင့် လူ ၅ ဦးခန့်ရောက်ရှိလာပြီး ရှေ့ဆုံးမှ အသက် ၅၀ ခန့်အမျိုးသားတစ်ဦးမှ သေနတ်ဖြင့် အိမ်အတွင်းသို့ အရင်ဝင်ရောက်လာကာ ဦးသန့်ဇင်အား “မလှုပ်နဲ့” ဟုပြောပြီး သေနတ်ဖြင့် ထိုးချိန်ခဲ့ကြောင်း သိရသည်။
![](https://positiveanglenews.com/storage/2024/08/IMG-465605a8346b3f0d05a797cf60dcd3b7-V.jpg)
အကြမ်းဖက်သမားများမှ သေနတ်ဖြင့် ပစ်ခတ်ရန် ထိုးချိန်ခဲ့သည့်အတွက် ဦးသန့်ဇင်မှ စားပွဲခုံအားလဲချကာ ခေါင်းအုန်းအောက်ရှိ သေနတ်အားယူပြီး စတင်ပစ်ခတ်ခဲ့သည့်အတွက် သေနတ်ဖြင့် ဝင်လာသူမှလည်း ပြန်ပစ်ခဲ့သည့်အတွက် ဦးသန့်ဇင်၏ ဝဲဘတ်လက်မောင်းသို့ သေနတ်ဒဏ်ရာရရှိခဲ့ကြောင်း သိရသည်။
ထိုနောက်တွင် လူ ၃ ဦးခန့်မှ ဦးသန့်ဇင်၏ ခြေထောက်အား ကြိုးဖြင့်တုတ်နေစဥ် ကားတစ်စီးရောက်ရှိလာပြီး ဆေးရုံသို့ပို့မည်ဟုပြောကာ အဆိုပါကားဖြင့်တင်၍ ထွက်ခွာသွားခဲ့ကြောင်း သိရသည်။
#PAN #ZN