ဩဂုတ် ၁၀
စစ်ကိုင်းတိုင်းဒေသကြီး၊ ဒီပဲယင်းမြို့နယ်၊ ဖုတ္ထန်းတောကျေးရွာရှိ စစ်ဆေးရေးဂိတ်ကို ရွှေဘိုခရိုင်အမှတ် ၁၂ တပ်ရင်းမှ ပြည်သူ့ကာကွယ်ရေးတပ်ဖွဲ့ (PDF)တွေက ပိတ်သိမ်းခဲ့တာကြောင့် ကျေးရွာခံတွေက မကျေမနပ်ဖြစ်ပြီး ဆန္ဒပြခဲ့ကြသည်။
ရွှေဘိုခရိုင်အမှတ် ၁၂ တပ်ရင်းမှ တပ်ရင်းမှူး ကိုလူအေးဦးဆောင်တဲ့ ပြည်သူ့ကာကွယ်ရေးတပ်ဖွဲ့တွေဟာ ကားသုံးစီးနဲ့ ဩဂုတ် ၇ ရက် နေ့လယ်ပိုင်းမှာ ဖုတ္ထန်းတောကျေးရွာရှိ ကျေးရွာ PDFကင်းဂိတ်ကို ရောက်ရှိလာပြီး အဆောက်အဦနဲ့ဘန်ကာတွေကို ဖျက်ဆီးပြီး ဂိတ်ကို ပိတ်သိမ်းခဲ့တာဖြစ်ပါသည်။
အခုလို ကျေးရွာ PDFစစ်ဆေးရေးဂိတ် ပိတ်သိမ်းတာကို မကျေနပ်တဲ့အတွက် ရွာခံပြည်သူ ၁၀၀ ဝန်းကျင်ခန့်က ဩဂုတ် ၈ ရက် မနေ့က ဆန္ဒပြခဲ့ပြီး ရွှေဘိုခရိုင်အမှတ် ၁၂ တပ်ရင်းမှ တပ်ရင်းမှူး ကိုလူအေးကို အကြမ်းဖက်လုယက်သူ အလိုမရှိ ဟု စာတန်းဆိုင်ပုဒ်ကိုကိုင်ကာ ဆန္ဒပြခဲ့ကြကြောင်းသိရပါသည်။
ဂိတ်တာဝန်ကျနေတဲ့ ရဲဘော်တွေရဲ့ i-con တွေ၊ လက်နက်များကို သိမ်းဆည်းတယ်။ အဆောက်အဦနဲ့ ဘန်ကာကို ဖျက်တယ်ပေါ့။ အဲဒီအပေါ်ကို မကျေနပ်လို့ ပြကြတာပါဟုသိရပါသည်။
ပိတ်သိမ်းခံရတဲ့ စစ်ဆေးရေးဂိတ်ဟာ ဒီပဲယင်းမြို့နယ်နှင့်အရာတော်မြို့နယ်စပ် ခရိုင်ချင်းဆက် လမ်းပေါ်မှာရှိနေတဲ့ဂိတ်တခုဖြစ်ပြီး ကားသမားတွေဆီက ငွေကြေးအခွန်အခများ မတရားကောက်ခံနေလို့ဖြစ်ကြောင်းသိရသည်။
#PAN
