(ပြည်တွင်း) ဇူလှိုင် ၂၁
ပဲခူးတိုင်းဒေသကြီး၊ တောင်ငူခရိုင်၊ ဖြူးမြို့နယ်၊ ညောင်ပင်သာနယ်မြေ ရဲစခန်းနှင့် (၄)ဖာလုံ ခန့်အကွာ၊ ညောင်ပင်သာကျေးရွာအုပ်စု၊ ပဲခူးလမ်းတောင်ပိုင်းရှိ စိမ်းနုဝေ စားသောက်ဆိုင်တွင် ယနေ့ နံနက် ၁၀ နာရီ ၂၀ မိနစ်အချိန်ခန့်က လုပ်ကြံသတ်ဖြတ်ခံရကြောင်း သိရှိရသည်။
ဖြစ်စဉ်တွင် ရဲဒုတပ်ကြပ် လင်းလင်း သည် စိမ်းနုဝေ စားသောက်ဆိုင်တွင် မနက်စာစားနေစဉ် အကြမ်းဖက် သမား ၂ ဦးမှ ဆိုင်ကယ်(၁)စီးဖြင့်ရောက်ရှိလာကာ ဆိုင်အတွင်းသို့ ဝင်ရောက်၍ ရဲဒုတပ်ကြပ် လင်းလင်းအား လက်နက်ငယ်ဖြင့် ၅ ချက်ခန့် ပစ်ခတ်ခဲ့သဖြင့် နေရာတွင်သေဆုံးသွားခဲ့ရကြောင်း သိရှိရသည်။
ထိုပစ်ခတ်မှုကြောင့် ဝဲမျက်ခုံးပေါ် ဖောက်ဝင်ဒဏ်ရာ ၁ ချက်၊ ယာနားအောက် ၁ ချက်၊ ယာနံကြားဖောက်ဝင်ဒဏ်ရာ ၁ ချက်၊ လည်ဇလုပ်ဖောက်ဝင်ဒဏ်ရာ ၁ ချက်တို့ရရှိကာ အခင်းဖြစ်နေရာတွင် သေဆုံးသွားခဲ့ပြီး အကြမ်းဖက်သမားများမှ အုန်းပင်စုကျေးရွာ ဘက်မှတဆင့် အင်းပင်သာကျေးရွာဘက်သို့ ပြန်လည် ထွက်ခွာသွားကြောင်းနှင့် သေဆုံးခဲ့သူ ရဲဒုတပ်ကြပ် လင်းလင်း၏ အလောင်းအား ဖြူးမြို့နယ်ပြည်သူ့ဆေးရုံသို့တင်ပို့၍ နယ်မြေခံလုံခြုံရေးအဖွဲ့များမှ နယ်မြေ ရှင်းလင်း၍ အမှုဖွင့် စုံစမ်းစစ်ဆေး နေကြောင်း သိရသည်။
Telegram»…
https://t.me/positiveanglenews