(ပြည်တွင်း) ဇူလှိုင် ၂၀
ကချင်ပြည်နယ် ၊ ပူတာအို -ခေါင်လန်ဖူးလမ်းပိုင်းတွင် ယခုနှစ် မိုးရာသီကာလအတွင်း မိုးသည်းထန်စွာရွာသွန်းပြီး လမ်းပြိုကာ တံတားပျက်စီးခဲ့ရခြင်း၊ လမ်းပိုင်းနေရာများစွာ ပျက်စီးသွားခြင်းတို့ကြောင့် သွားလာရေးခက်ခဲကာ ယနေ့ထိ ပူတာအိုမြို့သို့ ကျောင်းသွားတက်မည့် ကျောင်းသားများမှာလည်း ယခုထိ ပူတာအိုကျောင်းသို့ မရောက်ရှိနိုင်ဘဲ ပိတ်မိနေဆဲဖြစ်ကြောင်း သိရှိရသည်။
ခေါင်လန်ဖူးမှ ကျောင်းသားအများစုမှာ အလယ်တန်းကျောင်းမှစပြီး ပူတာအိုအထက်တန်းကျောင်းသို့ သွားရောက်ကာ ပညာသင်ကြားနေရကြောင်း၊ ယခုနှစ်၌ လမ်းပိုင်းနေရာများပျက်စီးသွားသဖြင့်ဆက်သွယ်ရေး ခက်ခဲနေသောကြောင့် ကျောင်းတက်ရန်အတွက် မသွားနိုင်သေးကြောင်း ၊ခေါင်လန်ဖူးဒေသတွင် အထက် တန်းကျောင်းအဆင့်ထိ ဖွင့်လှစ်သင်ကြားနေသော်လည်းမယခုနှစ်တွင် လမ်းခရီးခက်ခဲသည့်အပြင် စာသင်ကြားပေးမည့် ကျောင်းဆရာ/မ များလည်း မရောက်ရှိ လာခြင်းတို့ကြောင့် ကျောင်းကိုပင် ကောင်းကောင်းမဖွင့်နိုင်ကြောင်းသိရသည်။ ခေါင်လန်ဖူးဒေသသည် ပူတာအိုမြို့နယ်တွင်းဒုတိယလူဦးရေအများဆုံးဒေသဖြစ်ပြီး လမ်းပမ်းဆက်သွယ်ရေး အခက်ခဲဆုံးဒေသတစ်ခုလည်း ဖြစ်ကြောင်း ဒေသခံများထံက သိရှိရပါသည်။
Telegram»…
https://t.me/positiveanglenews