(ပြည်တွင်း) ဇူလိုင် ၄
ချင်းပြည်နယ်၊ ဖလမ်းမြို့၊ အ.ထ.က (၃) ကျောင်းမှ ဆရာ/ဆရာမများ၏ ဆိုင်ကယ်များအား ချင်းအကြမ်းဖက်သမားများဖြစ်သည့် CNDF များမှ ယူဆောင်သွားကြောင်း သိရသည်။
ယမန်နေ့ ဇူလိုင် ၃ ရက်နေ့ နေ့လည် ၁၂ နာရီ အချိန်ခန့်တွင် ဖလမ်းမြို့ အ.ထ.က (၃) ကျောင်းဆောင်သို့ ချင်း အကြမ်းဖက်သူများဖြစ်သည့် CNDF အဖွဲ့များရောက်ရှိလာပြီး ဆရာ/ဆရာမများ ကျောင်းသူကျောင်းသားများ၏ ဆိုင်ကယ်များအား ယူဆောင်သွားခဲ့ကြခြင်းဖြစ်ကြောင်း သိရသည်။
ချင်း အကြမ်းဖက်သူများဖြစ်သည့် CNDF အဖွဲ့များသည် အ.ထ.က (၃) မှ ဆရာ/ဆရာမများ၏ ဆိုင်ကယ် ၆ စီး၊ ကျောင်းသားများ၏ ဆိုင်ကယ် ၅ စီး၊ အ.ထ.က (၁) ကျောင်းမှ ဆရာ/ဆရာမများ၏ ဆိုင်ကယ် ၄ စီး၊ ပေါင်း ဆိုင်ကယ် ၁၅ စီးအား သိမ်းဆည်းယူဆောင်သွားကြောင်း ဒေသတွင်းအရင်းအမြစ်များ၏ ပြောဆိုချက်အရ သိရသည်။
ချင်းပြည်နယ်၊ ဖလမ်းမြို့ အဝင်အထွက်များတွင်လုံခြုံရေးဂိတ်မရှိသည့်အတွက် ချင်းအကြမ်းဖက်သူများဖြစ်သည့် CNDF အဖွဲ့များ မကြာခဏ ဝင်ထွက်သွားလာမှုများရှိနေသည့်အတွက် မြို့ပေါ်လူထုများ စိုးရိမ်နေကြကြောင်း သိရသည်။
Telegram>>…
https://t.me/positiveanglenews