(အားကစား) ဇွန် ၃၀
အာဂျင်တီးနား အသင်းခေါင်းဆောင် မက်ဆီ ဟာ ကြွက်သားဒဏ်ရာကြောင့် ပီရူးအသင်းနဲ့ကစားမယ့် ၂၀၂၄ ကိုပါအမေရိကဖလား အုပ်စုနောက်ဆုံးပွဲစဉ်မှာ ပါဝင်ဖို့မသေချာဘူးလို့ သိရပါတယ်။
မက်ဆီ ဟာ ဇွန်လ ၂၇ ရက်က ပြုလုပ်ခဲ့တဲ့ အာဂျင်တီးနားအသင်းရဲ့ လေ့ကျင့်ရေးကို ကြွက်သားဒဏ်ရာကြောင့် အသင်းနဲ့အတူ ပူးပေါင်းနိုင်ခြင်း မရှိခဲ့တာဖြစ်ပါတယ်။
အာဂျင်တီးနားအသင်းဟာ ကိုပါအမေရိကဖလားပြိုင်ပွဲရဲ့ အုပ်စုပွဲစဉ် ၂ ပွဲလုံးကို အနိုင်ရပြီး နောက်တစ်ဆင့် တက်နိုင်ခဲ့တာကြောင့် ပီရူးအသင်းနဲ့ပွဲစဉ်မှာ မက်ဆီ ကို အနားပေးဖွယ်ရှိတယ်လို့ သတင်းတွေက ဖော်ပြလာခဲ့ကြတာ ဖြစ်ပါတယ်။ မက်ဆီ အနေနဲ့ ၂၀၂၄ ကိုပါအမေရိကဖလားပြိုင်ပွဲမှာ အုပ်စုပွဲစဉ် ၂ ပွဲလုံးကို ပွဲချိန်ပြည့် ကစားနိုင်ခဲ့သလို ဂိုးဖန်တီးမှုတစ်ကြိမ် ပြုလုပ်ထားနိုင်ခဲ့ပါတယ်။
အာဂျင်တီးနားအသင်းဟာ ၂၀၂၄ ကိုပါအမေရိကဖလားပြိုင်ပွဲရဲ့ အုပ်စုနောက် ဆုံးပွဲစဉ်အဖြစ် ပီရူးအသင်းနဲ့ ဇွန်လ ၃၀ ရက်မှာ ကစားသွားရမှာ ဖြစ်ပါတယ်။
#PAN