(ပြည်တွင်း) ဇွန် ၂၆
ပဲခူးတိုင်းဒေသကြီး၊ ပဲခူးမြို့နယ်၊ မယင်းကျေးရွာ အဝင်လမ်းတွင် ဇွန်လ ၂၅ ရက်နေ့ ညပိုင်းက အရှိန်ပြင်းစွာ မောင်းနှင်လာသောကားမှ ရုတ်တရက် ချိုးကွေ့ခဲ့ရာ ယာဉ်ပေါ်တွင် လိုက်ပါစီးနင်းလာသော ကျောင်းဆရာမတစ်ဦး လွင့်စင်ပြုတ်ကျပြီး ပွဲချင်းပြီး သေဆုံးခဲ့ကြောင်း သိရသည်။
ဖြစ်စဥ်မှာ ပဲခူးမြို့နယ်၊ မယင်းကျေးရွာ အဝင်လမ်းတွင် ယမန်နေ့ညပိုင်းက ဘုရားကြီးမြို့ဘက်မှ ပဲခူးမြို့ဘက်သို့ ကြံတိုင်းအောင်(ဘုရားကြီး-အင်းတကော်)ပြေးဆွဲနေသော လူစီးယာဥ်လိုင်းမှ ယာဉ်အမှတ် BGO-11 9F/….. MAZADA SCRUM အမျိုးအစား၊ အဖြူရောင်ယာဉ်အား ယာဉ်မောင်းရဲရင့်ဖြိုး မောင်းနှင် လာပြီး ယာဉ်ရှေ့ခန်းတွင် အောင်မျိုးဝေ၊ ယာဉ်နောက်ခန်းတွင် ဇော်မင်းနိုင်၊ ဒေါ်နွေးနွေးလင်း (၃၀)နှစ်၊ လ/ထ(မူပြ)အလက(ခွဲ)ကင်းချောင်း၊ ပေပင်ချောင် ကျေးရွာ၊ ပဲခူးမြို့နယ်နေသူတို့ လိုက်ပါစီးနင်းလာခဲ့ကြပြီး မောင်းနှင်လာစဥ် မော်တော်ယာဉ်သည် အရှိန်ပြင်းပြင်းမောင်းနှင်၍ လမ်း၏တစ်ဖက်ခြမ်းသို့ ရုတ်တရက် ချိုးကွေ့ခဲ့ရာ ယာဉ်ပေါ်တွင် လိုက်ပါစီးနင်းလာသူများအနက်မှ ဒေါ်နွေးနွေးလင်း လ/ထ(မူပြ)အလက(ခွဲ) ကင်းချောင်းသည် ယာဉ်ပေါ်မှ လွင့်စင်ပြုတ်ကျခဲ့ပြီးအခင်းဖြစ်ရပ်နေရာတွင် ပွဲချင်းပြီး သေဆုံးသွားခဲ့ကြောင်းသိရှိရသည်။
Telegram>>…
https://t.me/positiveanglenews